मुंबई | भाजपचे राष्ट्रीय अध्यक्ष अमित शहा आज मुंबईत आहेत. या एकदिवसीय मुंबई दौ-यात अमित शहा जनसंपर्क वाढविण्यासाठी अनेक लोकांच्या भेटी घेणार आहेत. परंतु अमित शहा आणि उद्धव ठाकरे यांच्या भेटीची विषेश चर्चा राजकीय वर्तुळात रंगलेली पहायला मिळत आहे. परंतु सामनातून शिवसेनेने घेतलेली वेगळी भूमिका पहाता आज शिवसेना पक्षप्रमुख उद्धव ठाकरेंना अमित शहा भेटणार की नाही याबद्दल संभ्रम निर्माण झाला आहे.
अमित शहा यांच्या सुधारीत अधिकृत वेळापत्रकात उद्धव ठाकरे यांच्या भेटीचा उल्लेख नसल्यामुळे राजकीय चर्चेला उधान आले आहे. सामना मधून झालेल्या टिकेनंतर अमित शहा उद्धव ठाकरे यांची भेट घेणार का ? हा प्रश्न उपस्थित केला जात आहे. अमित शहा यांच्या आधीच्या वेळापत्रकात ७.३० च्या सुमारास सायंकाळी अमित शहा उद्धव यांची भेट घेणार होते. त्यामुळे वेळापत्रकाच्या बदलानुसार शिवसेनेच्या टीकेनंतर भाजप अध्यक्षांनी प्लॅन बदलला तर नाही ना असा प्रश्न सध्या उपस्थित केला जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
