नवी दिल्ली | भारतीय महिला क्रिकेट संघाच्या प्रशिक्षकपदी नियुक्ती करण्यात आलेल्या रमेश पोवार यांचा ३ महिन्यांचा कार्यकाळ शुक्रवारी (३० नोव्हेंबरला) संपला आहे. टी २० विश्वचषकासाठी ३ महिन्यांच्या कालावधीसाठी रमेश पोवार यांची निवड करण्यात आली होती. काहीच दिवसांपूर्वी भारतीय महिला क्रिकेट संघाची खेळाडू मिताली आणि रमेश पोवार यांच्यात मोठा वाद निर्माण झाला होता.
विश्वचषकाच्या इंग्लंडसोबतच्या सेमीफायनलमध्ये मिताली राज हिला बाहेर बसविण्यात आल्यामुळे हा वाद निर्माण झाला होता. त्यावेळी अहवालात प्रशिक्षक रमेश पोवार यांनी मिताली राजवर आपल्याला ब्लॅकमेल केल्याचा आरोप केला होता. रमेश पोवार यांच्या या आरोपानंतर मिताली राजने प्रत्युत्तर देत “माझ्या जीवनातील हा काळा दिवस असून रमेश पोवार माझे करियर संपवण्याचा प्रयत्न करत आहेत”, असा आरोप देखील केला होता.
दरम्यान, रमेश पोवार यांच्याआधी प्रशिक्षकपदी असलेल्या तुषार आरोठे यांनी देखील आपल्या पदाचा राजीनामा दिला होता. महिला संघातील वरिष्ठ खेळाडूंसोबत मतभेद झाल्याचे कारण देत त्यांनी आपल्या पदाचा राजीनामा दिला होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
