दुबई – स्तनांचा कर्करोग २०२० पर्यंत भारतात दरवर्षी ७६ हजार महिलांचे बळी घेईल, अशी भीती एका अहवालात व्यक्त करण्यात आली आहे. २०१२ मध्ये भारतात ब्रेस्ट कॅन्सरमुळे दगावलेल्या महिलांची संख्या ७०,१२८ होती, असं या जर्नल ऑफ बिझनेस रिसर्च मध्ये प्रसिद्ध झालेल्या अहवालात म्हटलं आहे.
भारत सरकारसाठी या आजाराचं मोठं आव्हान असल्याचं दुबईच्या वोलोगाँग विद्यापीठाचे सहाय्यक अधीक्षक विजय पेरेइरा यांचं म्हणणं आहे. या रोगाबाबतच्या जनजागृतीचा अभाव, स्व:तपासणीचा अभाव, सांस्कृतिक तफावत या सगळ्याचा एकत्रित परिणाम होतो आणि या रोगाचं निदान विलंबाने होतं. महिलांना आरोग्यसेवा मिळत नाहीत. अनेकदा पुरुष डॉक्टर असल्याने महिला या आजाराविषयी मोकळेपणी बोलत नाहीत. त्या कुटुंबावर अवलंबून असल्याने स्वत:च्या आरोग्याकडे दुर्लक्ष करतात, असे हा अभ्यास सांगतो. ब्रेस्ट कॅन्सरबाबत पुरुषांची जनजागृती केल्यास कुटुंबातील महिलांच्या या रोगाचं निदान लवकर होण्यास मदत होईल, असंही या अहवालात सुचवलं आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
