हिंदूंना अल्पसंख्यांक घोषीत करा !

by News DeskJanuary 2, 2018June 2, 2022

– भाजपची सर्वोच्च न्यायालयात मागणी

नवी दिल्ली – हिंदूंनाही अल्पसंख्यांक घोषीत करा अशी मागणी भाजपने सर्वोच्च न्यायालयात केली आहे. या मागणीने तुम्ही चक्रावला असाल ना ? पण हो अशी मागणी करणारी याची सर्वोच्च न्यायालयात भाजप नेते अश्विनी उपाध्याय यांनी केली आहे. त्यांनी आपल्या याचिकेत

आठ राज्यात हिंदूंची संख्या खूपच कमी आहे. त्यामुळे या राज्यात हिंदूंना अल्पसंख्यांक घोषित करण्यात यावे, अशी मागणी करणारी याचिका भाजपने सर्वोच्च न्यायालयात दाखल केली आहे. या राज्यातील हिंदूंना अल्पसंख्यांकांना मिळणारे अधिकारही देण्यात यावेत अशी मागणीही भाजपनं याचिकेत केली आहे. लक्षद्वीप, नागालँड, जम्मू-काश्मीर, मिझोराम, मेघालय, अरुणाचल प्रदेश, मणिपूर आणि पंजाब या राज्यात हिंदू अल्पसंख्याक आहेत. त्यामुळे या राज्यातील हिंदूंना अल्पसंख्याकांचा दर्जा देण्यात यावा अशी मागणी या याचिकेतून उपाध्याय यांनी केली आहे. या राज्यात हिंदू हे अल्पसंख्यांक आहेत. त्यामुळे अल्पसंख्याकांना मिळणाऱ्या सर्व सुविधा या राज्यातील हिंदूंना मिळाव्यात अशी त्यांची मागणी आहे. २३ ऑक्टोबर १९९३ मध्ये केंद्र सरकारने एक अध्यादेश काढून मुस्लिमांसहीत अन्य काही समुदायांच्या लोकांना अल्पसंख्यांकांचा दर्जा दिला होता. हा अध्यादेश असंविधानिक असल्याचं घोषित करा अशीही मागणी त्यांनी केली आहे. दरम्यान २०११ च्या जनगणनेच्या आकडेवारीनुसार या आठही राज्यात हिंदू अल्पसंख्यांक आहेत. परंतू त्यांना या राज्यात अजून अल्पसंख्यांक घोषित करण्यात आलेलं नाही. याकडंही याचिकेत लक्ष वेधण्यात आलय. कोणत्याही समुदायाला अल्पसंख्यांकांचा दर्जा देताना तो त्याच्या लोकसंख्येच्या आधारेच दिला पाहिजे, असा युक्तिवादही याचिकेत करण्यात आला आहे.