नवी दिल्ली – स्वाइन फ्ल्युने देशभरात हाहाकार माजविला आहे. देशभरात गेल्या आठ महिन्यांत तब्बल १०९४ जणांचा स्वाइनने बळी घेतला आहे. त्यापैकी गेल्या तीन आठवड्यांत स्वाइनमुळे ३४२ जणांचा मृत्यू झाला आहे. आरोग्य मंत्रालयाने बुधवारी स्वाईनसंबंधी आकडेवारी जाहीर केली आहे. आकडेवारीनुसार महाराष्ट्र आणि गुजरातमध्ये स्वाइनचा सर्वात जास्त प्रादुर्भाव असल्याचे दिसते. गुजरातमध्ये एकूण ४३७, तर महाराष्ट्रात ३८१ जणांचा या आजाराने मृत्यू झाला आहे.
आरोग्य मंत्रालयाने जारी केलेल्या आकडेवारीनुसार, राजस्थान, केरळ आणि दिल्लीतही स्वाईन फ्लूची लागण झाल्याने मृत्यू झाले आहेत. स्वाईन फ्लूची लागण होणा-यांमध्ये तरुण आणि आजारी लोकांची संख्या जास्त आहे. सरकारी आकडेवारीनुसार, सप्टेंबर आणि ऑक्टोबर महिन्यात सर्वात जास्त मृत्यू झाले आहेत.
कर्नाटकमध्ये २८०५ जणांना स्वाईनची लागण झाली असून, तामिळनाडूत एकूण २९५६ रुग्ण सापडले आहेत. त्यापैही १५ जणांचा मृत्यू झाला आहे.
स्वाइन फ्लूची लक्षणे –
स्वाइन फ्लूची लक्षणे ही सर्व साधारण फ्लूसारखीच असतात. यात थंडी, ताप १०० अंश फॅ. पेक्षा जास्त सर्दी, खोकला, घसादुखी,अंगदुखी, पोटदुखी, मळमळ, उलटी, जुलाब व कधी कधी पोटदुखी इत्यादी लक्षणांचा समावेश असतो.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
