मुंबई | राज्याचे मुख्यमंत्री उद्दव ठाकरे यांचा आज (२७ जुलै) वाढदिवस. राजकीय वर्तृळातून त्यांच्यावर शुभेच्छांचा पाऊस पडत आहे. मात्र, गेली अनेक वर्ष शिवसेना आणि उद्धव ठाकरेंसोबत असलेलं नातं अतुट आहे. आजच्या या दिवशी शिवसेनेचे खासदार संजय राऊत यांनी मुख्यमंत्री उद्धव ठाकरेंना खास शुभेच्छा दिल्या आहेत. संजय राऊत यांनी ट्विटमध्ये असं लिहिलं आहे की, अखंड साथ.अतूट नाते. राष्ट्राचे नेतृत्व करण्याची क्षमता आपल्यात आहे..तो दिवस लवकरच उगवेल.. आपणास वाढदिवसानिमित्त मनःपूर्वक शुभेच्छा!
अखंड साथ.अतूट नाते.
राष्ट्राचे नेतृत्व करण्याची क्षमता आपल्यात आहे..तो दिवस लवकरच उगवेल..
आपणास वाढदिवसानिमित्त मनःपूर्वक शुभेच्छा!@OfficeofUT pic.twitter.com/brQEcwDo3T— Sanjay Raut (@rautsanjay61) July 27, 2021
राष्ट्राला उद्धव ठाकरेंच्या नेतृत्वाची गरज
पत्रकारांशी बोलतानाही राऊतांनी मुख्यमंत्री उद्धव ठाकरे यांना वाढदिवसाच्या शुभेच्छा दिल्या. मुख्यमंत्री उद्धव ठाकरे प्रत्येकाला आपला कुटुंब प्रमुख वाटतात. हे त्यांच्या नेतृत्वाचं यश आहे. घरातला माणूस नेतृत्व करतो, असं प्रत्येकाला वाटतं. हे नेतृत्व प्रदीर्घ काळ टिकेल. राष्ट्रालाही त्यांच्या संयमी, प्रखर राष्ट्रवादी आणि हिंदुत्वावादी नेतृत्वाची गरज आहे. ते देशाला नेतृत्व देतील, अशा शुभेच्छा मी त्यांना देतो, असं ते म्हणाले आहेत..
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
