पुणे | काँग्रेसचे खासदार राजीव सातव यांचे आज (१६ मे) निधन झाले. त्यांच्या निधनाने राजकिय वर्तुळात मोठी पोकळी निर्माण झाली आहे. त्यांच्या निधनाची बातमी समजताच त्यांच्या समर्थकांनी, काँग्रेस नेत्यांनी रूग्णालयाबाहेर एकच आक्रोश केला. त्यांच्या निधनानंतर अनेक दिग्गज नेत्यांनी त्यांना श्रद्धांजली वाहिली. भाजप नेत्या पंकजा मुंडे यांनी मराठवाड्यातील एक अभ्यासू नेता हरपला अशा शब्दांत भावना व्यक्त करत श्रद्धांजली वाहिली.
काय आहे पंकजा मुंडे यांची पोस्ट?
काँग्रेसचे नेते आणि खा. राजीव सातव यांच्या निधनाने मराठवाड्यातील एक अभ्यासू व उमदा नेता हरपला, आशा शब्दात भाजपच्या नेत्या आणि माजी महिला व बालविकास मंत्री पंकजा मुंडेर यांनी सातव यांना आदरांजली वाहिली आहे.
काँग्रेसचे नेते, खा. राजीव सातव यांच्या निधनाने मराठवाड्यातील एक अभ्यासू व उमदा नेता हरपला.. त्यांना भावपूर्ण श्रध्दांजली !#RajeevSatav pic.twitter.com/299I2On5l0
— Pankaja Gopinath Munde (@Pankajamunde) May 16, 2021
महाराष्ट्रासह दिल्लीतील काँग्रेस पक्षश्रेष्ठीला रविवारी पहाटे धक्का देणारी घटना घडली. काँग्रेसचे नेते आणि राज्यसभेतील खासदार राजीव सातव यांचं निधन झालं. ते ४७ वर्षांचे होते. राजीव सातव यांनी करोनाविरुद्धची लढाई जिंकली होती, मात्र, फुफ्फुसात संसर्ग झाल्यानं त्यांची प्रकृती बिघडली होती. पुण्यातील जहांगिर रुग्णालयात त्यांच्यावर उपचार सुरू होते. २३ दिवसांपासून उपचार सुरू असलेल्या सातव यांची प्रकृती मध्यतरी बिघडली होती. नंतर त्यांची प्रकृती सुधारत असल्याची माहिती काँग्रेसकडून देण्यात आली होती.
मुंडे साहेबांचा लाडका युवा नेता हरपला… राजीव सातव सारख्या उमद्या तरुण बहुजन नेता बनण्यासाठी खूप कष्ट लागतात..#RajeevSatav pic.twitter.com/9OMIwM1hR3
— Pankaja Gopinath Munde (@Pankajamunde) May 16, 2021
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
