मुंबई | हिंदुह्रदयसम्राट शिवसेनाप्रमुख बाळासाहेब ठाकरे यांची आज (२३ जानेवारी) जयंती. त्यांच्या जयंतीनिमित्त पूर्णाकृती पुतळ्याचे अनावरण आज मुख्यमंत्री उद्धव ठाकरे यांच्या हस्ते संध्याकाळी ६ वाजता होणार आहे. राजकीय इतिहासात बाळासाहेब ठाकरे यांचे नाव अजरामर आहे. आज त्यांना सर्व स्तरांतून आदरांजली वाहिली जात आहे. राष्ट्रवादीचे अध्यक्ष शरद पवार यांनीही ट्विट करत बाळासाहेब ठाकरे यांना विनम्र आदरांजली वाहिली आहे. बाळासाहेब ठाकरे आणि शरद पवार यांचे नाते राजकारण वगळता उत्तम होते हे सगळयांना ज्ञात आहेच.
“शिवसेनाप्रमुख बाळासाहेब ठाकरे हे सामाजिक प्रश्नांवर आपल्या कुंचल्याच्या माध्यमातून भाष्य करणारे कुशल व्यंगचित्रकार व शब्दांवर प्रभुत्व असलेले उत्कृष्ठ वक्ते होते. राजकारणावर त्यांची उत्तम पकड होती. महाराष्ट्राप्रती तळमळ असलेले स्व. बाळासाहेब ठाकरे यांना जयंती दिनी विनम्र अभिवादन”, असे ट्विट करत शरद पवारांनी त्यांना अभिवादन केले आहे. दरम्यान, आज मुख्यमंत्री उद्धव ठाकरे आणि मनसे अध्यक्ष राज ठाकरे बाळासाहेबांच्या पुतळ्याच्या अनावरणाच्या निमित्तीने एकाच मंचावर येणार आहेत. तर अजित पवार आणि देवेंद्र फडणवीसही पुन्हा एकदा एकाच मंचावर उपस्थित असणार आहेत.
शिवसेनाप्रमुख बाळासाहेब ठाकरे हे सामाजिक प्रश्नांवर आपल्या कुंचल्याच्या माध्यमातून भाष्य करणारे कुशल व्यंगचित्रकार व शब्दांवर प्रभुत्व असलेले उत्कृष्ठ वक्ते होते. राजकारणावर त्यांची उत्तम पकड होती. महाराष्ट्राप्रती तळमळ असलेले स्व. बाळासाहेब ठाकरे यांना जयंती दिनी विनम्र अभिवादन! pic.twitter.com/na17uBAM0t
— Sharad Pawar (@PawarSpeaks) January 23, 2021
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
