मुंबई | विजांच्या कडकडांसह मुंबईमध्ये आज पहाटेपासूनच जोरदार पावसाला सुरुवात झाली. घाटकोपर , विक्रोळी येथे पहाटे जोरदार पावसाच्या सरी कोसळल्या.पहाटेनंतरचा पाऊस थांबला असला तरी 8 ते 10 जून या कालावधी मध्ये मुसळधार पावसाची शक्यता हवामान खात्याने वर्तवली आहे.
अरबी समुद्रात कमी दाबाचा पट्टा तयार झाला आहे.त्यामुळे येत्या काही तासात कोकणासह महाराष्ट्राच्या काही भागात मान्सून दाखल होण्याची शक्यता वर्तवली आहे.आज गोव्यामध्ये मान्सून दाखल होण्याची शक्यता असून तो कोकणासह संपुर्ण महाराष्ट्रात लवकरच दाखल होईल.
पावसाळामध्ये येणाऱ्या आपत्तीचे निवारण करण्यासाठी,आपत्ती व्यवस्थापन अॅप(disaster management MCGM) तयार करण्यात आले आहे तसेच mcgm.gov.in हे संकेतस्थळ सुरू करण्यात आले आहे.यावरती काही महत्वाच्या दूरध्वनी क्रमांकाची माहीती उपलब्ध करून देण्यात आली आहे.
8,9 आणि 10 जूनला मुंबईत होणार्या अतिवृष्टीच्या पार्श्वभूमीवर पालिका अधिकार्यांच्या सुट्ट्या रद्द करण्यात आल्या आहेत. तसेच नौदल, अग्निशमन दल आणि राष्ट्रीय आपत्ती प्रतिसाद पथकाच्या अधिकार्यानी विविध विभागातील धोकादायक ठिकांणाची रेकी केलेली आहे.तसेच खबरदारीचा उपाय म्हणून नौदलाची पथके कुलाबा, वरळी, घाटकोपर, मालाड आणि ट्रॉम्बे येथे तैनात ठेवण्यात आले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
