मुंबई | रिपब्लिकन पक्षाच्या वतीने येत्या रविवारी २७ मे रोजी पुण्यात महाराष्ट्र्र राज्यस्तरीय अधिवेशन आयोजित करण्यात आले आहे. यावेळी कार्यकर्त्यांनी प्रचंड संख्येने सामील होऊन रिपब्लिकन पक्षाची ताकद दाखवावी असे आवाहन रिपाइंचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केले आहे.
मुलुंड सिमेंट कॉलनी येथे रिपब्लिकन पक्षाच्या वतीने आयोजित महामानव डॉ बाबासाहेब आंबेडकर आणि छत्रपती शिवाजी महाराज यांच्या संयुक्त जयंती महोत्सवा निमित्त आयोजित जाहीर सभेत रामदास आठवले बोलत होते. यावेळी रिपाइंचे मुलुंड तालुका अध्यक्ष योगेश शिलवंत,अजित रणदिवे, प्रभाकर कांबळे तसेच मुंबई अध्यक्ष गौतम सोनवणे , जिल्हा अध्यक्ष बाळासाहेब गरुड, राज्य सचिव श्रीकांत भालेराव, हेमंत रणपिसे, मुस्ताक बाबा, डॉ विजय मोरे, गीताबेन सोळंकी, नैनाताई वैराट आदी मान्यवर उपस्थित होते.
रिपब्लिकन पक्षाचे हे भव्य अधिवेशन पुण्यातील आर टि ओ जवळच्या एस एस पी एम एस मैदानावर रविवार दि २७ मे रोजी दुपारी ४ वाजता आयोजित करण्यात आले आहे. या अधिवेशनात पुण्याचे पालकमंत्री गिरीश बापट आणि सामाजिक न्याय राज्यमंत्री दिलीप कांबळे हे प्रमुख पाहुणे म्हणून उपस्थित राहणार आहेत. रिपब्लिकन पक्षासोबत बहुसंख्य प्रमाणात समाज आहे हे दाखवून देण्यासाठी प्रत्येक विभागातून मोठ्या संख्येने कार्यकर्त्यांनी समर्थकांसह उपस्थित राहून रिपब्लिकन पक्षाची ताकद दाखवून द्यावी असे आवाहन आठवलेंनी यावेळी केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
