पंढरपूर | छत्रपती संभाजी राजे व छत्रपती उदयनराजे यांची नियुक्ती भाजपने केली आहे. त्यामुळे ते भाजपचीच भाषा बोलणार. दोन्ही राजांनी मराठा आरक्षणाचा प्रश्न भाजपकडूनच सोडवून घ्यावा, अशी कोपरखळी राष्ट्रवादी काँग्रेसचे अध्यक्ष शरद पवार यांनी मारली आहे. आज (२९ सप्टेंबर) पत्रकार परिषदेत ते बोलत होते. राज्यात मराठा आरक्षणाचा प्रश्न दिवसेंदिवस गंभीर होत चालला आहे. यावरुन, उदयनराजे यांनी आरक्षण काढूनच टाका असे म्हटले होते. तर संभाजीराजे यांनी आरक्षणाच्या आड येणाऱ्यांना ठोका अशी भूमिका घेतली होती.
दरम्यान, या दोन्ही राजांच्या भूमिकेवर शिवसेनेने मुखपत्र असलेल्या सामनातून पाठराखण करण्यात आली होती. आजच्या अग्रलेखात सातारा व कोल्हापूर घराण्यात आरक्षणाबाबत वाद आहेत किंवा लढाईत फुट आहे असे जे पसरवले जात आहे ते खरे नाही, असे म्हणत त्यांची पाठराखण केल्याने दिसून आले. तर शरद पवारांनी या मुद्दयावर त्यांनीच काय ते पाहावे अशी भूमिका मांडलेली पाहायला मिळाली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
