मुंबई | ‘नाणार प्रकल्प कोकणात होणार नाही म्हणजे नाही, राज्य सरकारला काय करायचे ते करावे,’ असे मनसे अध्यक्ष राज ठाकरे यांनी स्पष्ट शब्दात सरकारला सांगितले. मुलुंडमध्ये मनसेच्या वतीने १०० महिलांना रोजगाराचे साधन म्हणून रिक्षाचे वाटप करण्यात आले. यावेळी झालेल्या सभेत राज ठाकरे यांनी नाणार प्रकल्पवरुन सरकारवर निशाणा साधला.
नाणार वासियांनी हा प्रकल्प होऊ नये म्हणून राज ठाकरे यांच्या निवासस्थानी जावून त्यांची भेट घेतली. हा प्रकल्प कोकणात होऊ नये म्हणून ग्रामस्थ सर्व राजकीय नेते मंडळींची भेट घेत आहेत. काही दिवसापूर्वी ‘नाणार प्रकल्प महाराष्ट्रातून जावा असे वाटत नाही,’ असे मत राष्ट्रवादी काँग्रसेचे अध्यक्ष शरद पवार यांनी व्यक्त केले होते.
‘स्थानिकांचा विरोध डावलून नाणार प्रकल्प शिवसेना कदापि होऊ देणार नाही,’ असे उद्धव ठाकरे यांनी ठामपणे सांगितले. नाणार रिफायनरी प्रकल्पासाठी परदेशी कंपन्यांसोबत दिल्लीत सामंज्य करारावर स्वाक्षऱ्या करण्यात आल्या.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
