मुंबई | मुंबईकरांच्या सुरक्षेची जबाबदारी महिलाच्या हाती देण्यात आली आहे. भारताच्या इतिहासात पहिल्यांदाच मुंबई हे असे शहर आहे की, यात आठ पोलीस स्टेशनचा संपूर्ण कारभार महिलांकडे सोपवण्यात आला आहे. या महिलांनी अनेक अडचणीचा सामना करत त्यांच्या परिसरातील गुन्हा रोखण्यासाठी प्रयत्न केला आहे. त्यामुळे मुंबई पोलीस आयुक्तांनी आठ स्टेशनची जबाबदारी या महिलांवर देण्यात आली आहे.
वरिष्ठ पोलीस निरीक्षक मृदुला लाड यांना सायन पोलीस स्टेशन, आंतरराष्ट्रीय विमानतळाजवळचे सहार पोलीस स्टेशन लता शिरसत, गोरेगावातल्या वनराई पोलीस स्टेशनचा चार्ज ज्योत्स्ना रसम, रोहिणी काळे यांना पंतनगर पोलीस स्टेशन, विद्यालक्ष्मी हिरेमट यांना आरे पोलीस स्टेशन, तर बीकेसी पोलीस स्टेशनची जबाबदारी कल्पना गडेकर, एअरपोर्ट पोलीस स्टेशन अलका मांडवी तर वरिष्ठ पोलीस निरीक्षक रश्मी जाधव यांना कप परेड पोलीस स्टेशन या आठ महिलांच्या हाती पोलीस स्टेशनची जबाबदारी देण्यात आली आहे.
या महिला पोलीस निरीक्षकांची सोशल मीडीयावर खूप स्तुती होत तर आहे. याचबरोबर या आठ महिलांचा फोटो सध्या सोशल मीडीयावर अनेकांनी शेअर केला आहे. तसेच ट्विटरवर महिला सशक्तीकरणाचे नाव देत हा फोटो अपलोड करत मुंबई पोलिसांचे आभार व्यक्त केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
