नवी दिल्ली | संसदेचे पावसाळी अधिवेशन येत्या १४ सप्टेंबरपासून सुरु होत आहे. पहिल्याच दिवशी राज्यसभेच्या उपसभापती पदासाठी निवडणूक होणार असल्याने भाजपने सर्व सदस्यांना उपस्थित राहण्यासाठी व्हीप बजावला आहे. दरम्यान, महाराष्ट्रातील २ दिवसांचे पालसाळी अधिवेशन ७ आणि ८ सप्टेंबरला पार पडले.
भाजपने राज्यसभेवरील आपल्या सर्व खासदारांना १४ सप्टेंबर रोजी सभागृहात हजर राहण्याचे आदेश देण्यासाठी तीन ओळींचा व्हीप जारी केला. विरोधी पक्षांनी एकत्रितपणे उमेदवार देण्याचा चंग बांधला असला, तरी निवडणुकीत भाजपचे पारडे जड असल्याचे मानले जात आहे. संसदेचे पावसाळी अधिवेशन १४ सप्टेंबरपासून १ ऑक्टोबरपर्यंत चालणार आहे. दरम्यान उपसभापती पदासाठी अर्ज दाखल करण्यासाठी अंतिम तारीख ११ सप्टेंबरपर्यंत आहे.
Bharatiya Janata Party issues a three-line whip to all its Rajya Sabha MPs asking them to be present in the House on 14th September. pic.twitter.com/unUbULClkQ
— ANI (@ANI) September 9, 2020
राज्यसभेचे उपसभापती म्हणून हरीवंश यांचा कार्यकाळ एप्रिल महिन्यात संपल्यामुळे ही निवडणूक होणार आहे. सत्ताधारी भाजप-एनडीएकडून पुन्हा जनता दल (युनायटेड) चे खासदार हरीवंश यांनाच उमेदवारी देण्यात आली. त्यांनी आज (९ सप्टेंबर) आपला उमेदवारी अर्जही दाखल केला आहे.गेल्या निवडणुकीत हरीवंश यांनी काँग्रेस उमेदवार बी. के. हरीप्रसाद यांचा पराभव केला होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
