औरंगाबादः डॉ. बाबासाहेब आंबेडकर मराठवाडा विद्यापीठाचे वादग्रस्त उपकुलसचिव डॉ. ईश्वरसिंग मंझा यांना अटक करण्यात आली आहे. महाविद्यालयात नोकरी लावून देतो, असे सांगून मंझा यांनी तरुणांला सहा लाखांचा गंडा घातला होता. त्यामुळे मंझा यांच्यावर अटकेची कारवाई करण्यात आली असून या कारवाईने शिक्षण क्षेत्रात खळबळ उडाली आहे.
देवराव चव्हाण (रा.चिकलठाणा) यांनी या प्रकरणी तक्रार दिली आहे. महाविद्यालयात कारकूनपदी नोकरी लावण्याचे आमिष दाखवून ईश्वरसिंग मंझा यांनी सहा लाख रुपये घेतले होते. परंतु नोकरी लागली नाही. परिणामी चव्हाण पैसे परत मागितले असता मंझा यांनी दोन धनादेश दिले. मात्र ते वटले नाहीत. नंतर चव्हाण यांनी छावणी पोलिस ठाण्यात धाव घेतली. याप्रकरणी मंझा यांच्या गुन्हा दाखल करण्यात आला होता.
दरम्यान, विद्यापीठाचे उपकुलसचिव डॉ. ईश्वरसिंग मंझा यांनी विद्यापीठाची फसवणूक केल्याचेही समोर आले होते. मंझा यांनी 2006 मध्ये एम.एस्सी. भौतिकशास्त्र परीक्षेत उत्तरपत्रिकेत खाडाखोड केली आणि स्वत:चे गुण वाढवून घेण्याचा प्रताप केला. त्यांनी शून्याचे 24 मार्क करून घेतले. प्रत्यक्षात उत्तरपत्रिकेत त्यांना शून्य गुण मिळाले होते. चार प्रश्नांना आठ गुण दिल्याचे दाखविण्यात आले आहे. पदव्युत्तर पदवी मिळताच ईश्वरसिंग मंझा यांची उपकुलसचिवपदी नियुक्ती झाली. या प्रकाराची चौकशी करण्यात यावी, अशी तक्रार कर्मचारी संघटनेचे अध्यक्ष पर्वत कासुरे यांनी कुलगुरुंकडे केली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
