नवी दिल्ली | “केंद्र सरकार राज्यातील शेतीव्यवसाय आणि शेतकऱ्यांना वाचविण्यासाठी काही करणार आहे का ?”, असा सवाल राष्ट्रवादी काँग्रेसच्या खासदार ट्विटवरच्या माध्यमातून सुप्रिया सुळे यांनी उपस्थित केला आहे. “खरंतर शेती हा राज्याच्या अंतर्गत येणार मुद्दा आहे. मात्र, केंद्रीय कृषी मंत्र्यांनी असे सांगितले होते कि पाणी आणि बियाणांच्या प्रश्नावर सरकार विशेष लक्ष देत आहे. म्हणून मी त्यांना प्रश्न विचारत आहे”, असेही सुप्रिया सुळे म्हणाल्या. सुप्रिया सुळे यांनी ट्विटरवर एक व्हिडीओ शेअर करत हा प्रश्न उपस्थित केला आहे.
शेती हा राज्यांच्या अखत्यारीतील विषय आहे याची मला जाणीव आहे परंतु तरीही केंद्रीय कृषीमंत्र्यांनी आपल्या उत्तरादरम्यान पाणी व बियाणांबाबत सरकार विशेष लक्ष घालत असल्याचे सांगितल्यामुळे मला त्यांना काही विचारायच आहे. pic.twitter.com/sMIF29Euje
— Supriya Sule (@supriya_sule) June 25, 2019
राज्यातील भीषण दुष्काळस्थिती आणि शेतकऱ्यांचे गंभीर प्रश्न या पार्श्वभूमीवर सुप्रिया सुळे यांनी हे प्रश्न उपस्थित केले आहेत. “मी ज्या राज्याचे प्रतिनिधित्व करते त्या महाराष्ट्रात भीषण दुष्काळस्थिती आहे. राज्यातील शेतकरी हवालदिल झाला आहे, शेती व्यवसाय अडचणीत आहे. राज्यात दररोज सरासरी ८ शेतकरी आत्महत्या करत आहेत. जर राज्यात इतकी भीषण स्थिती निर्माण झाली असेल तर केंद्र सरकारकडून शेती आणि शेतकऱ्यांसाठी काही ठोस निर्णय घेण्यात येणार आहेत कि नाही ?”, असा सवाल सुप्रिया सुळे यांनी केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
