कृषी पंपांचे थकीत वीजबील भरा नाही तर वीज खंडीत करणार

मुंबई – कृषी पंपाचे थकीत वीज बील १५ नोव्हेंबर पर्यंत भरण्याची मुभा सरकारने दिली आहे. जर थकित वीज बील या कालावधी शेतकऱ्यांनी भरले नाही तर त्यांची वीज खंडीत केली जाईल. दरम्यान सरकारने कृषी पंपाचे थकित वीज बील भरण्यास मुदतवाढ दिली आहे. या आधी ७ नोव्हेंबरपर्यंत थकीत वीज बील भरायची होती. त्याला आता मुदतवाढ देण्यात आली असून त्यांना १५ नोव्हेंबर पर्यंत थकीत वीज बील भरता येणार आहे. शिवाय १५ नोव्हेंबर पर्यंत चालू वीज बील ही शेतकऱ्यांना भरावे लागणार आहे. त्यामुळे १५ नोव्हेंबर पर्यंत कोणत्याही कृषी पंपाची वीज खंडीत केली जाणार नाही. त्यामुळे काही वेळासाठी शेतकऱ्यांना दिलासा मिळाला आहे. मात्र १५ नोव्हेंबर पर्यंत वीज बील भरले नाही कृषी पंपाची वीज खंडीत केली जाईल. दरम्यान मुख्यमंत्री कृषी संजीवनी योजनेचा लाभ शेतकऱ्यांनी घेतला तर त्यांच्या बीलावर आकारण्यात आलेल्या दंडाचे व्याज माफ केले जाणार आहे.