पुणे | महाराष्ट्र नवनिर्माण सेनेचे पहिले अधिवेशन येत्या २३ जानेवारीला मुंबईमध्ये होणार आहे,त्या पार्श्वभुमिवर मनसैनिकांनी तयारीला सुरूवात केली आहे. कार्यक्रमाची तयारी सुरू आहेचं,परंतु मनसैनिकांनी एक वेगळी मोहिम हाती घेतली आहे. विधानसभा निवडणुकीत फारशी समाधानकारक कामगिरी करू न शकल्यामुळे आणि महाविकासाघाडीची सत्ता स्थापन झाल्यामुळे मनसे आणि राज ठाकरे यांची नेमकी भुमिका काय असा प्रश्न संपुर्ण महाराष्ट्राला पडला आहे. त्या सर्व प्रश्नांची उत्तरे येत्या २३ तारखेला मिळतील असं मनसेैनिकांकडून सांगण्यात येत आहे.
या पार्श्वभूमिवर मनसैनिकांनी ट्विटरवर एक हॅशटॅग टाकत मनसे आता नव्या रूपात आणि नव्या जोशात येणार असून आपण सर्वजण राज ठाकरे यांच्या पाठीशी आहोत असे सांगण्याचा प्रयत्न केला आहे. या हॅशटॅगमध्ये #राजसाहेब मी तुमचा तानाजी’ असे लिहिण्यात आले आहे. सध्या अभिनेता अजय देवगन यांचा शूरवीर तानाजी यांच्या आयुष्यावरील चित्रपट गाजत आहे. तानाजी मालुसरे यांनी छत्रपती शिवाजी महाराजांसाठी आपल्या जीवाची बाजी लावली होती.त्यामुळे सध्या मनसैनिकांनीसुद्धा मनसे अध्यक्ष राज ठाकरे यांच्यासाठी आपण नेहमी त्तपर असू असा संदेश देण्याचा प्रयच्न या ट्विटरवरील हॅशटॅगच्या माध्यमातुन केला आहे. मनसे नेते किर्तीकुमार शिंदे यांनीसुद्धा ट्विट केले आहे.
औरंगजेबाच्या ताब्यातील कोंढाणा पुन्हा जिंकण्यासाठी स्वराज्याचे- शिवरायांचे शिलेदार तान्हाजींनी स्वतःच्या जीवाची बाजी लावली…
आपण आपलाच पक्ष वाढवून आपली #विधानसभा #प्रभाग जिंकण्यासाठी प्रयत्नांची पराकाष्ठा नाही करू शकत?
फक्त जिंकण्याचा निर्धार करूया!#राजसाहेब_मी_तुमचा_तान्हाजी
— Kirtikumar Shinde (@KirtikumrShinde) January 12, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
