लोकल अजूनही रुळांवर येईना!

मुंबई – जलप्रलयानंतर तिसऱ्या दिवशीही मुंबईची जीवनवाहिनी अद्याप पूर्णत: रुळावर आलेली नाही. तांत्रिक बिघाडमुळे कसारा-टिटवाळा वाहतूक ठप्प झाली आहे. तसेच आसनगाव ते सीएसटी अप मार्ग पूर्णपणे बंद आहे. त्याचबरोबर सीएसटी ते कल्याण आणि पश्चिम रेल्वेवरील वाहतूक १५ मिनिटे, तर हार्बरची वाहतूक तब्बल एक तास उशिराने सुरू आहे.

मुंबई आणि उपनगरात बुधवारी रात्री तुरळक पाऊस झाल्याचा परिणाम काही प्रमाणात रेल्वे सेवेवर झाल्याची प्राथमिक माहिती आहे. मंगळवारच्या पावसानंतर बुधवारी रेल्वेसेवा पूर्वपदावर आली होती. मात्र गुरुवारी पुन्हा रेल्वे वाहतुकीवर परिणाम झाला आहे.

बुधवारीही मुंबईत मुसळधार पाऊस कोसळेल, असा इशारा हवामान खात्याने दिला होता. प्रत्यक्षात तुरळक सरी वगळता, बुधवार कोरडा गेला. याच काळात शहरासह उपनगरातील रस्ते वाहतूक पूर्वपदावर आली.