लोणावळा – वाहतूकीचे नियम सांगणारे फलक जागोजागी लावूनही वाहनचालक त्याकडे दुर्लक्ष करत असतात. त्यामुळे मोठे अपघात होतात. असाच अपघात आज लोणावळ्यात झाला. मुंबई-पुणे द्रुतगती महामार्गावर एका खासगी ट्रॅव्हेल्स कंपनीची बस तीक्ष्ण वळणावर उलटली आहे. लोणावळा पोलीस स्टेशन हद्दीत घडलेल्या या प्रकारात 26 प्रवासी जखमी झाले आहेत. या जखमींना उपचारासाठी रुग्णालयात हलवले जात असून त्यापैकी 5 जणांची परिस्थिती गंभीर आहे.
लोणावळा शहर पोलीस स्टेशन हद्दीत पुणे- मुंबई द्रुतगती महामार्गावर वलवण ब्रिजवर हा अपघात घडला आहे. सिद्धेश्वर ट्रॅव्हेल्स कंपनीची बस क्रमांक – MH-04/GP/4747 मुंबईहून कराड (सातारा) च्या दिशेने जात होती. याचवेळी तीक्ष्ण वळणावर चालकाचा बसवरील ताबा सुटल्याने बस उलटली. दुपारी 12 च्या सुमारास झालेल्या या अपघातातील जखमींना उपचारासाठी लोकमान्य हॉस्पिटल (पुणे) येथे दाखल करण्यात आले आहे. त्यापैकी 5 जणांची परिस्थिती गंभीर असल्याचे वैद्यकीय अधिकाऱ्यांनी स्पष्ट केले. गंभीर जखमींमध्ये 2 लहान मुले, 2 महिला आणि एका पुरुषाचा समावेश आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
