नवी दिल्ली | दिल्ली उच्च न्यायालयाकडून १९८४ मध्ये झालेल्या शीखविरोधी दंगल प्रकरणातील आरोपी सज्जन कुमारला १७ डिसेंबर रोजी जन्मठेपची शिक्षा सुनावली होती. दिल्ली उच्च न्यायालायने सज्जन कुमारला जन्मठेपची शिक्षा सुनावत ३१ डिसेंबर रोजी शरण येण्याचा आदेश दिला होता. दिल्ली उच्च न्यायालयाच्या या आदेशानुसार सज्जन कुमार आज (३१ डिसेंबर) कडकडडूमा न्यायालयात शरण आले आहेत.
#Latestvisuals Delhi: Sajjan Kumar, who was awarded life sentence by Delhi High Court in 1984 anti-Sikh riots case, to surrender before Karkardooma Court or Tihar jail authorities today pic.twitter.com/tgnHrWD81r
— ANI (@ANI) December 31, 2018
सज्जन कुमारवर १९८४ साली झालेल्या शीख दंगलीदरम्यान दिल्लीतील जमावाच्या भावना भडकविल्याचा आरोप आहे. या जमावाने ५ शिखांची हत्या केली होती. दरम्यान, दिल्ली उच्च न्यायालयाने सज्जन कुमारला ३१ डिसेंबरपर्यंत शरण येण्याचा आदेश दिल्यानंतर शरण येण्यासाठी एका महिन्याची मुदत वाढवून मिळावी यासाठी सज्जन कुमारने दिल्ली उच्च न्यायालयात याचिका दाखल केली होती. मात्र, ही याचिका न्यायालयाने फेटाळून लावली.
सूत्रांकडून मिळालेल्या माहितीनुसार सज्जन कुमारची रवानगी तिहार तुरुंगात करण्यात येणार आहे. तेथे सज्जन कुमारला तुरुंग क्रमांक २ मध्ये ठेवले जाणार असल्याची माहिती मिळत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
