मुंबई | साप्ताहिक सुट्ट्या, सार्वजनिक सुट्टी व कर्मचारी-अधिकाऱ्यांचा संप यामुळे सरकारी बँकांचे कामकाज (२१ डिसेंबर) आजपासून (सोमवारचा अपवाद वगळता) सलग ५ दिवस बंद राहणार असल्याची शक्यता आहे. आज अखिल भारतीय बँक अधिकारी महासंघाने प्रदीर्घ वेतन सुधार मागण्यांच्या पूर्ततेसाठी संप पुकारला आहे. तर, २६ तारखेला बँक कर्मचाऱ्यांच्या संघटना संपावर जाणार आहेत. यामुळे बँक व्यवहारांवर याचा मोठा परिणाम होणार आहे.
अखिल भारतीय बँक अधिकारी महासंघाने आज संपाची हाक दिली आहे. यामुळे बँका बंद राहण्याची शक्यता नसली तरी त्यांच्या दैनंदिन कामकाजावर परिणाम होणार आहे. यानंतर २२, २३ डिसेंबरला अनुक्रमे चौथा शनिवार व रविवार असल्याने बँका बंद असतील. सोमवारी मात्र बँकांचे कामकाज नेहमीप्रमाणे चालू राहील.
नाताळनिमित्त सार्वजनिक सुट्टी असल्याने २५ तारखेला पुन्हा बँका बंद राहतील. आघाडीच्या नऊ बँकांच्या कर्मचारी संघटनेची शीर्ष संघटना असणाऱ्या युनायटेड फोरम ऑफ बँक युनियनने नाताळला जोडून बुधवारी (२६ डिसेंबर) संप पुकारल्याने कामकाजाला फटका बसेल. या संघटनेनेही वेतनासंबंधी मागण्या पुढे करून संपाची हाक दिली आहे.
बँकांकडून सूचना
या सलग सुट्ट्यांविषयी बहुतांश बँकांनी आपल्या ग्राहकांना सूचित केले आहे. बँकांचे व्यवहार हे प्रत्यक्ष शाखांच्या बरोबरच एटीएम, मोबाइल अॅप, नेटबँकिंग आदी माध्यमांतूनही होत असल्याने ग्राहक सेवेवर फार परिणाम होणार नाही, असे बँकांचे म्हणणे आहे.
२१ डिसेंबर- संप
२२ आणि २३ डिसेंबर – शनिवार आणि रविवार
२५ डिसेंबर – नाताळची सुट्टी
२६ डिसेंबर – बँक कर्मचारी संघटनेचा संप
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
