श्रीनगर | जम्मू-काश्मीरमध्ये लष्कराबरोबर झालेल्या चकमकीत दोन दहशतवाद्यांना कंठस्नान घालण्यात आले आहे. दक्षिण काश्मीरमधील पुलवामा जिल्ह्यात जवान आणि दहशतवाद्यांमधील चकमक दरम्यान या दोघांचा खात्मा करण्यात केला. पुलवामा जिल्ह्यातील तिक्केन परिसरात दहशतवादी लपून बसल्याची माहिती जवानांनी मिळाली होती. यानंतर राष्ट्रीय रायफल्स, सीआरपीएफ आणि स्पेशल ऑपरेशन ग्रुपने घटनास्थळी पोहचल्यानंतर जवान आणि दहशतवाद्यांमध्ये गोळीबारी सुरू झाली.

#UPDATE: 2 terrorists have been killed in the encounter between security forces and terrorists in Tikun village of Pulwama district. Incriminating materials including arms and ammunition have been recovered from the site of encounter. https://t.co/U2slDZ9VSx

— ANI (@ANI) November 10, 2018

यात दोन दहशतवाद्यांना ठार करण्यात आले. लियाकत अहमद आणि वाजिद असे ठार झालेल्या दहशतवाद्यांची नावे आहेत. या कारवाई दरम्यान परिसरातील इंटरनेट सेवा बंद करण्यात आली. तसेच काश्मीरमधील ६ नोव्हेंबरला शोपियानमध्येही जवान आणि दहशतवाद्यांमध्ये चकमक झाली होती. या चकमकीतही दोन दहशतवाद्यांना ठार करण्यात आले. मोहम्मद इदरीस सुलतान आणि आमिर हुसैन रैदर अशी ठार करण्यात आलेल्या दहशतवाद्यांची नावे होती. या दोघांचाही दहशतवादी संघटना हिजबुल मुजाहिद्दीनशी संबंध असल्याची माहिती समोर आली आहे.