मुंबई | ‘मॅनेजमेंट गुरू’ अशी जगभर ख्याती असलेल्या डबेवाल्यांसाठी लवकरच रेल्वे स्थानकांजवळ सायकल स्टॅन्ड उभारण्यात येणार आहेत. याबाबतच पालिका प्रशासनाच्या प्रस्ताव येत्या महासभेत मंजुरीसाठी मांडण्यात येणार आहे. या प्रस्तावाला मंजुरी मिळाल्यानंतर याची अंमलबजावणी होणार असून हजारो डबेवाल्यांना मोठा दिलासा मिळणार आहे.
सद्यस्थितीत सुमारे दोन लाख जेवणाचे डबे चर्चगेट ते विरार आणि छत्रपती शिवाजी महाराज टर्मिनसपर्यंत नियमित वेळेत पोहचवण्याचे काम करीत आहेत. डबेवाले जेवणाचे डबे सायकलव रेल्वेच्या माध्यमातून पोहचवतात, मात्र रेल्वे स्थानकाबाहेर त्यांच्या सायकली उभी करण्याची सुविधा नसल्याने त्यांना घाईगर्दीच्या वेळी त्रास सहन करावा लागतो. डबेवाल्यांची ही समस्या दूर करण्यासाठी स्थानिक प्राधिकरण या नात्याने मुंबई महापालिकेने पुढाकार घेतला आहे. या पार्श्वभूमीवर मुंबईतील सर्व रेल्वे स्थानकांच्या जवळपास असणाऱ्या पालिकेच्या जागांवर डबेवाल्यांसाठी सायकल स्टॅण्ड उभारण्याचा प्रस्ताव आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
