मुंबई | प्रसिद्ध दिग्दर्शक नागराज मंजुळे यांच्या ‘फँड्री’ आणि ‘सैराट’ या लोकप्रिय चित्रपटांनंतर आता नागराज पुन्हा एकदा प्रेक्षकांना वेड लावायला येणार आहेत. काही दिवसांपूर्वी ‘नाळ’ असे शीर्षक असणाऱ्या या चित्रपटाचा टीझर प्रदर्शित करण्यात आला होता. या टिझरमध्ये ‘आई मला खेळायला जायचेय’ या गाण्यातून आईकडे खेळायला जाण्याचा हट्ट करणाऱ्या अशा एका निरागस मुलाची कथा दिसत आहे. या टिझरनंतर आता चित्रपटाचे पाहिले गाणे देखील प्रेक्षकांच्या पसंतीस उतरत आहे. या टिझरमध्ये असलेल्या निरागस मुलाच्या वडिलांची भूमिका खुद्द नागराज यांनी सरकारी आहे.

‘नाळ’ या चित्रपटाच्या निमित्ताने नागराज मंजुळे यांनी निर्मिती क्षेत्रात पहिले पाऊल टाकले आहे. या चित्रपटाची निर्मिती नागराज मंजुळे यांनी तर दिग्दर्शन ‘सैराट’चे कॅमेरामॅन सुधाकर रेड्डी यांनी केले आहे. तसेच हा चित्रपट १६ नोव्हेंबरला प्रदर्शित होणार असून हा चित्रपट पाहण्याची उत्सुकता सर्वांनाच लागली आहे. ‘नाळ’ या चित्रपटानंतर नागराज मंजुळे बॉलीवूडमध्ये पदार्पण करणार असल्याची माहिती समोर येत आहे. ‘नाळ’ या सिनेमाच्या टीजरला फार कमी वेळातच २ मिलियन पेक्षा जास्त व्हियूज मिळाले आहेत