मुंबई । मध्य, हार्बर आणि पश्चिम रेल्वेच्या तिन्ही मार्गावर रविवारी मेगा ब्लॉक घेण्यात येणार आहे. मध्य रेल्वेच्या ठाणे-कल्याण स्थानकांदरम्यान डाऊन जलद मार्गावर तर हार्बरवरील पनवेल-वाशी अप आणि डाऊन मार्गावर रविवारी मेगाब्लॉक असणार आहे. तसेच पश्चिम रेल्वेवरील बोरीवली-अंधेरी स्थानकांदरम्यान अप आणि डाऊन जलद मार्गावर ब्लॉक असणार आहे.
ठाणे-कल्याण स्थानकांदरम्यान रविवारी सकाळी १० वाजून ३० मिनिटे ते दुपारी ३ वाजून ३० मिनिटांपर्यंत डाऊन जलद मार्गावर देखभाल-दुरुस्तीची कामे करण्यात येतील. यामुळे ठाणे-कल्याणमधील वाहतूक डाऊन धिम्या मार्गावर वळविण्यात येणार असल्याने लोकल फेऱ्या सुमारे २० मिनिटे विलंबाने धावणार आहेत.
मेगाब्लॉक काळात प्रवाशांसाठी छत्रपती शिवाजी महाराज टर्मिनस येथून सूटणा-या जलद व अर्धजलद लोकल फे-यांना नियमित थांब्यासह अतिरिक्त थांबा देण्यात येणार आहे, अशी माहिती मध्य रेल्वे प्रशासनाने दिली.
पश्चिम रेल्वे मार्गावर रविवारी सकाळी १० वाजून ३५ मिनिटे ते दुपारी २ वाजून ३५ मिनिटांपर्यंत बोरीवली ते अंधेरी स्थानकांदरम्यान अप आणि डाऊन जलद मार्गावर ब्लॉक घेण्यात येणार आहे. परिणामी, ब्लॉक काळातील वाहतूक अप आणि डाऊन धिम्या मार्गावर वळविण्यात येईल.
हार्बर मार्गावर रविवारी सकाळी ११ वाजून ३० मिनिटे ते ४ वाजून ३० मिनिटांपर्यंत पनवेल-वाशी अप आणि डाऊन मार्गावर ब्लॉक असेल. ब्लॉक काळात या मार्गावरून एकही लोकल धावणार नाही. प्रवाशांसाठी सीएसएमटी-वाशी आणि ठाणे-वाशी-नेरूळ मार्गावर विशेष फे-या चालविण्यात येणार असल्याचे मध्य रेल्वे प्रशासनाने सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
