मुंबई | लैंगिक अत्याचाराची तक्रार आणि त्यानंतर विद्यार्थिनींच्या आंदोलनामुळे एसएनडीटी विद्यापीठाच्या कुलगुरूंनी आज हॉस्टेलच्या वॉर्डनला निलंबित करण्यात आले आहे. एसएनडीटी वसतिगृहातील विद्यार्थिनी गेले दोन दिवस वॉर्डनने एका विद्यार्थिनीवर केलेल्या लैंगिक अत्याचाराच्या व गैरवर्तणुकी विरोधात आंदोलन करत होत्या.
अभाविपच्या पाठिंब्याने सुरू असलेल्या आंदोलनात सर्व विद्यार्थिनी वसतिगृह वार्डनच्या निलंबनाची मागणी करत होत्या. अभाविप कार्यकर्त्यांनी एसएनडीटी विद्यापीठाच्या कुलगुरू डॉ. शशिकला वंजारी ह्यांना वसतिगृहात घडलेल्या गैरप्रकाराची माहिती दिली आहे. कुलगुरू डॉ. वंजारी ह्यांनी वसतिगृह अधिक्षिकेचे निलंबन पत्र जारी केले होते व आंदोलनकर्त्या विद्यार्थिनी आणि अभाविप कार्यकर्त्यांना आश्वासन दिले आहे की ह्या प्रकरणाची तपासणी करण्यासाठी एक चौकशी समिती तयार केली जाईल.
अभाविप महिला कार्यकर्ता आणि एसएनडीटी विद्यापीठाची विद्यार्थिनी मानसी मालवणकर हिने कुलगुरू डॉ. वंजारी ह्यांच्या चौकशी समिति गठित करण्याच्या निर्णयाचे स्वागत केले आहे. “महिलांना शिक्षण देणाऱ्या नामवंत शैक्षणिक संस्थेमध्ये विद्यार्थिनीशी अशी वागणूक होत असेल तर ते लज्जास्पद आहे. विद्यार्थिनी सोबत गैरवर्तन करणा-या वॉर्डनला कठोर शिक्षा झाली पाहिजे,” असे मत तिने व्यक्त केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
