मुंबई | ‘हॉर्न ओके प्लिज’ चित्रपटाच्या चित्रीकरणादरम्यान अभिनेते नाना पाटेकर यांनी आपल्यासोबत गैरवर्तन केल्याचा आरोप अभिनेत्री तनुश्री दत्ता हिने केला आहे. तनुश्री दत्ताने केलेल्या गंभीर आरोपांवर नाना पाटेकर यांनी मात्र अद्याप कोणतीही स्पष्ट प्रतिक्रिया दिलेली नाही. नाना पाटेकर हे आज (8 आॅक्टोबर) पत्रकार परिषद घेऊन यासंदर्भात आपली भूमिका मांडणार होते. परंतु नाना पाटेकर यांनी ऐनवेळेस पत्रकार परिषद रद्द केल्याने वेगवेगळे तर्क-वितर्क लावले जात होते.
नाना पाटेकर यांच्या वकिलांकडून तनुश्री दत्ताला कायदेशीर नोटीस पाठवण्यात आली आहे. ही कायदेशीर प्रक्रिया पूर्ण झाल्यानंतरच नाना पाटेकर पत्रकार परिषद घेणार असल्याची माहिती मिळत आहे. म्हणूनच त्यांची आजची पूर्वनियोजित पत्रकार परिषद रद्द केली असल्याचे म्हटले जात आहे. त्यामुळे कायदेशीर प्रक्रिया पूर्ण झाल्यानंतर नाना पाटेकर यासंदर्भात नक्की काय भूमिका मांडणार याकडे सर्वांचे लक्ष लागून राहिले आहे.
तनुश्री दत्ताला नाना पाटेकर यांच्या वकिलांकडून नोटीस पाठविण्यात आल्याचे सांगण्यात येत असले तरी आपल्याला नानांकडून अशी कोणतीही नोटीस आलेली नसल्याचे तनुश्रीने म्हटले आहे. तसेच नोटीस नाही पण धमक्या मात्र मिळत आहेत असा आरोपही तनुश्रीने केला आहे. तसेच तनुश्रीने नाना पाटेकर यांच्यासोबत ‘चॉकलेट-डीप डार्क सिक्रेट’ या सिनेमाचे दिग्दर्शक विवेक अग्निहोत्री यांच्यावर देखील गैरवर्तवणुकीचा आरोप केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
