मुंबई | राष्ट्रवादी काँग्रेसच्यावतीने पेट्रोल आणि डिझेल दरवाढीच्याविरोधात पक्षाचे राज्यउपाध्यक्ष आणि राष्ट्रीय प्रवक्ते नवाब मलिक यांच्या नेतृत्वाखाली उद्या बुधवार ३० मे रोजी मुंबईच्या अणुशक्तीनगरमध्ये भव्य आंदोलन करण्यात येणार आहे.

पेट्रोल डिझेलच्या दरात गेल्या पंधरा दिवसांपासून दिवसेंदिवस वाढ होताना पहायला मिळत आहे. त्यामुळे सर्व जनता त्रस्त झाली आहे. अनेकांना दरवाढ का होत आहे याचे समर्पक कारण सरकारकडून अपेक्षित आहे. परंतु कर्नाटक निवडणुकीत झालेल्या पराभवानंतर सरकार दिवसेंदिवस पेट्रोल डिझेल दरवाढ करत असल्याचा तर्क सर्वसामान्य जनता लावताना पहायला मिळत आहे. या दरवाढी विरोधात महाराष्ट्रभरात वेगवेगळ्या पद्धतीने राजकीय पक्ष आंदोलन करत आहेत.

नंदुरबार सारख्या ठिकाणी महाराष्ट्रातले लोक गुजरातला जाऊन पेट्रोल भरत आहेत. राज्यभर राष्ट्रवादी काँग्रेस पक्षाच्यावतीने पेट्रोल-डिझेलच्याविरोधात तीव्र आंदोलन छेडले गेले आहे. याच आंदोलनाचा एक भाग म्हणून मुंबईत ३० मे रोजी सकाळी १० वाजता पांजरापोळ सर्कल येथे छत्रपती शिवाजी महाराजांच्या पुतळयापासून या आंदोलनाची सुरुवात होणार आहे.

राष्ट्रवादी काँग्रेसच्यावतीने उदया दि. ३० मे रोजी, स. १० वाजता #पेट्रोल आणि #डिझेल दरवाढीच्या विरोधात मुंबईच्या अणुशक्तीनगरमध्ये भव्य आंदोलन करण्यात येणार आहे. तेव्हा सर्वांनी मोठ्या संख्येने उपस्थित राहून या सरकारविरोधात आक्रमक मोर्चात सहभागी व्हा. #PetrolPriceHike #Inflation pic.twitter.com/MUs3A7dZJK

— Nawab Malik نواب ملک नवाब मलिक (@nawabmalikncp) May 29, 2018