रुणाली मोरे/ गौरी टिळेकर| मुंबईत प्रत्येक सणाला एक वेगळा उत्साह पहायला मिळतो. विषेश म्हणजे गिरणगावात गणेशोत्सव, दहीहंडी, होळीचा उत्साह पहाण्याजोगा असतो. गणेशोत्सवात भव्य सजावटी, होळीमध्ये उंच होळ्या आणि दहीहंडीमध्ये उंच मानवी मनोरे हे गिरणगावातील महाराष्ट्रातील सण संस्कृतीचे प्रतिक मानले जाते. गेल्या अनेक वर्षात गोविंदा म्हटले की पुरुष किंवा तरुण यांचाची मक्तेदारी असायची परंतु गेल्या २-३ वर्षांत महिला गोविंदा देखील पुरुषांच्या खांद्याला खांदा लावून दहीहंडी फोडताना पहायला मिळतात.
(छायाचित्र- गौरी टिळेकर )
दोस्ती महिला गोविंदा पथक, लोअर परळ
लोअर परळच्या दोस्ती महिला गोविंदा पथकातील महिला गोविंदा देखील गेल्या २ वर्षांपासून ७ थरांची दहीहंडी रचून सलामी देताना पहायला मिळतात. गोकुळ अष्टमी जवळ आल्यानंतर लोअर परळच्या खेमजी नागजी चाळ परीसरात असलेल्या पटांगणात सायंकाळी या महिला एकत्र येऊन सराव करत असलेल्या पहायला मिळतात.
महाराष्ट्रातील सण आणि संस्कृती जपताना या महिला पहायला मिळतात. मुंबईच्या धकाधकीच्या जीवनात महिलांचा असणारा हा उत्साह कौतुकास्पद असतो. सध्या दोस्ती महिला गोविंदा पथकाचे परीसरात प्रचंड कौतुक होत आहे.
टागोर नगर महिला गोविंदा पथक, विक्रोळी
दरवर्षीप्रमाणे या ही वर्षी विक्रोळीमधील टागोर नगर महिला गोविंदा पथक दहीहंडीच्या उत्सवासाठी सज्ज झाले आहे. टागोर नगर महिला पथकाची सुरूवात ही २००० साली झाली. आता या महिला गोंविंदा पथकाला १८ वर्षे पूर्ण होत आहेत. दरवर्षी काही ना काही नवीन देऊ इच्छिणाऱ्या या पथकाचे यावर्षीचे वैशिष्ट्य म्हणजे टागोर नगर मित्र मंडळ यावर्षी त्यांचे सुवर्ण महोत्सवी वर्ष साजरे करीत आहे.
मंडळाच्या सुवर्ण महोत्सवी वर्षानिमित्ताने टागोर नगर महिला गोविंदा पथक मंडळाला अनोखी सलामी देणार आहे. सहा थर रचून सलामी देणारी महिला गोविंदा ५० अंक मोजून मंडळाच्या सुवर्णमहोत्त्सवी वर्षानिमित्त अनोख्या प्रकारे सलामी देणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
