मुंबई | राज्य सरकारने हुतात्मा चौक, मुंबई येथे कायमस्वरूपी तेवत असलेल्या हुतात्मा स्मारकाच्या ज्योतीच्या धर्तीवर दादर चैत्यभूमी येथे कायमस्वरूपी भिमज्योत उभारण्यासंदर्भात सामाजिक न्याय व विशेष सहाय्यमंत्री राजकुमार बडोले मान्यता दिली आहे, अशी माहिती रमेश जगताप यांनी दिली. नायगाव-वडाळा विधानसभेचे आमदार कालिदास कोळंबकर यांनी चैत्यभूमीत भिमज्योत उभारण्याची मागणी केली होती. ती मागणी मान्य करण्यात आली आहे.

भिमज्योत कोणत्या जागी उभारावी यासाठी मंत्री राजकुमार बडोले, आमदार कालिदास कोळंबकर, प्रधान सचिव (नगर विकास), प्रधान सचिव (पर्यावरण विभाग), सचिव (सामाजिक न्याय), उपायुक्त (पालिका) आदी अधिकार्‍यांकडून पाहणी करण्यात आली. यावेळी संबंधित अधिकार्‍यांना सामाजिक न्यायमंत्र्यांकडून निर्देशही देण्यात आले.