मुंबई | भारतीय माजी क्रिकेटर नवज्योत सिंह सिद्धू हे पाकिस्तानचे पंतप्रधान इम्रान खान यांच्या शपथविधी सोहळ्याला गेले होते. त्यावेळी त्यांनी पाकिस्तानचे लष्कर प्रमुख कमर जावेद बावजा यांची घेतलेली गळाभेट त्यांच्यावरील टीकेचे मोठे कारण ठरली. अनेकांकडून याला कडाडून विरोध झाला आणि मोठ्या प्रमाणात टीका झाली. भाजपच्या अल्पसंख्याक कार्यकर्त्यांनी या प्रकारावर तीव्र नाराजी व्यक्त करत आझाद मैदानात सिद्धू यांच्याविरोधात मोर्चा काढला.
या मोर्चादरम्यान भाजपाचे वरिष्ठ नेते आणि दर्गा कमिटी अजमेरचे सदस्य मोहम्मद फारुख आजम म्हणाले, “आम्ही जागोजागी धरणं आंदोलन करणार आहोत. जोपर्यंत सिद्धूला अटक होत नाही, तोपर्यंत आम्ही हे सुरु ठेवणार आहोत. त्यांच्यावर देशद्रोहाचा खटला चालवला पाहिजे.” “सिद्धूनं जर मुंबईत आला तर त्याचे हात-पाय तोडून टाकू,” असंही ते म्हणाले आहेत. मोर्चा संपल्यानंतर भाजपाच्या कार्यकर्त्यांनी सिद्धू यांचे पोस्टर्स जाळण्याचा प्रयत्न केला तसेच सिद्धू मुर्दाबादच्या घोषणाही देण्यात आल्या परंतु उपस्थित असलेल्या पोलिसांनी त्यांना रोखले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
