सातारा | छत्रपती शिवाजी महाराजांचे वंशज असलेले खासदार उदयनराजे भोसले आणि आमदार शिवेंद्रराजे भोसले यांच्यातले राजकीय वितुष्ट जगजाहीर आहे. त्यातच हे दोघे एकाच व्यासपीठावर आले तर लोकांना आश्चर्याचा धक्का लागल्याशिवाय राहणार नाही. परंतु चक्क एकाच व्यासपीठावर या दोघांना पाहून अनेकजण आवाक झाले. निमित्त होते सातारा जिल्हा बॅडमिंटन संघटनेच्या जिल्हा अजिंक्यपद स्पर्धेचा बक्षीस समारंभाचे. या बक्षिस समारंभाला उदयनरोजे आणि शिवेंद्रराजे हे दोघेही उपस्थित राहिले होते.
अनेक दिवसांपासून या दोन्ही राजांमध्ये राजकारणावरुन जोरदार टीका सुरू आहे, परंतु या कार्यक्रमात मात्र पहिल्यांदा शिवेंद्रराजे भोसले आले त्यानंतर पाच मिनीटांनी उदयनराजे भोसले आले, एकाच व्यासपिठावर हे दोघे आल्यामुळे उपस्थितांपैकी अनेकांच्या भुवया उंचावल्या. दरम्यान, दोघे एकाच व्यासपीठावर असल्यामुळे कदाचित एकमेकांशी संवाद साधतील असे वाटणा-या अनेकांचा यावेळी अपेक्षा भंग झाला असेच म्हणावे लागेल. या कार्यक्रमात दोघेही शेजारी बसले होते मात्र एकमेकांशी काहीच बोलले नाहीत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
मुंबई – मुंबई विद्यापिठात निकालांचा झालेला गोंधळाला विद्यापिठाते व्हाईस चांसलर म्हणजे व्हिसी डॉ. संजय देशमुख यांना जबाबदार धरत त्यांच्यावर बडतर्फीची कारवाई करण्यात आली. मात्र सर्व जबाबदारी व्हिसींवर टाकून त्यांना बडतर्फ करणे ही पळवाट आहे असा आरोप राष्ट्रवादी काँग्रेसचे प्रवक्ते नवाब मलिक यांनी केला आहे. व्हिंसींना जर बडतर्फ केले जात असेल तर शिक्षण खाते सांभाळणारे शिक्षण मंत्री व्हिटी म्हणजेच विनोद तावडेंनाही बडतर्फ केले पाहीजे अशी मागणी ही त्यांनी यावेळी केली. मलिक यांनी यावेळी तावडे यांची संभावना व्हि. टी. अशी केली. तावडे हे अकार्यक्षम मंत्री असल्याचा घणाघातही त्यांनी केला. बोगेस डिग्री घेणारा शिक्षण मंत्री बोगस काम करत आहे असा टोलाही त्यांनी तावडेंना लगावला.