मुंबई | ‘दूध रोखायला मुंबई काय पाकिस्तानात आहे का?’ असा सवाल महसूलमंत्री चंद्रकांत पाटील यांनी खासदार राजू शेट्टी यांना केला आहे. राज्यातील दूध उत्पादक शेतकरी दूध स्वस्त झाल्याने त्रस्त आहेत. दुधाला प्रतिलिटर पाच रुपये अनुदानाची मागणी शेट्टींनी केली आहे.दुधाला प्रतिलिटर पाच रुपये अनुदान थेट उत्पादकांच्या नावावर जमा करावे, या मागणीसाठी स्वाभिमानी शेतकरी संघटनेने 16 जुलैपासून दूध संकलन बंद करण्याबरोबरच मुंबईला जाणारे सर्व दूध रोखण्याचा इशारा दिला.
“घरातले दूध आणि भाजीपाला रस्त्यावर कशाला ओतता?” असा सवाल करत दूध रोखणे ही शेतकरी आंदोलनाची पद्धत नसल्याचे चंद्रकांत पाटील म्हणाले. कायदा हातात घेणाऱ्यांना कायद्यानुसार शासन होईल असेही चंद्रकांत पाटील सांगायला विसरले नाहीत. यापूर्वी राजू शेट्टींनी प्रामुख्याने पुणे, नाशिक अहमदनगर वरून जाणारे दूध रोखणार असल्याचे सांगितले होते. तर कर्नाटक , गुजरात, हैद्राबाद वरून मुंबईला येणारं दूध रोखणार असल्याचा इशारा दिलाय. तसेच दूध संघांनी आमच्या आंदोलनाला विरोध करू नये. तसे केल्यास कायदा हातात घेणार असल्याचे म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
