अभिराज उबाळे
पंढरपूर :- शेतीच्या वादातून पोलिसात दाखल केलेली तक्रार माघार घे नाही तर तुला टांगून मारेल अशी धमकी दिल्याचा आरोप शिवसेनेचे आमदार नारायण पाटील यांच्यावर शेतकऱ्याने केलाय . तसेच आमदार नारायण पाटील यांच्या पासून आपल्या जीवाला धोका आहे असा तक्रारी अर्ज रोहिदास राजाराम कांबळे यांनी पोलीस अधीक्षकांकडे केलीय . नारायण पाटील हे करमाळ्याचे आमदार आहेत .
रोहिदास कांबळे यांची करमाळा तालुक्यात मौजे शेटफळ येथे शेतजमीन आहे . या शेतातील पाईप लाईन सचिन नरोटे यांनी फोडली . या विरोधात कांबळे यांनी पोलिसात गुन्हा दाखल केला . तो गुन्हा माघार घ्यावा म्हणून आरोपी कांबळेंना धमकावत होते . शिवसेना आमदार नारायण पाटील यांनी देखील मोबाईल वरून आपल्याला जीवे मारण्याची धमकी दिल्याचा तक्रारी अर्ज शेतकरी कांबळेंनी दाखल केलाय . आमदारांवर गुन्हा दाखल करण्याची मागणी कांबळेंनी केलीय .
शिवसेना शेतकऱ्यांच्या प्रश्नावर विधानसभेत आणि रस्त्यावर रान उठवत आहे . सरकारमध्ये असून देखील शेतकऱ्यांच्यासाठी सरकार विरोधी भूमिका सेने घेत आहे . तर दुसरीकडे त्यांच्याच आमदारांनी शेतकऱ्याला दिलेल्या जीवे मारण्याच्या धमकीमुळे सेने काय भूमिका घेणार याकडे सोलापूर जिल्ह्याचे लक्ष लागलाय . २ एप्रिल रोजी काँग्रेस राष्ट्रवादी सह विरोधी पक्षांची शेतकरी संघर्ष यात्रा सोलापुरात येत आहे . या धमकी प्रकरणामुळे विरोधी पक्षाला चांगलेच कोलीत मिळालाय . नुकत्याच झालेल्या जिल्हा परिषद अध्यक्षनिवडीत आमदार नारायण पाटील यांनी भाजप महाआघाडी विरोधी भूमिका घेतली होती .
Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
previous post
