गौतम वाघ

उल्हासनगर : पैसे देण्याच्या बहाण्यानं महिलेला घरी बोलावून तिच्यावर सामूहिक बलात्कार केल्याची घटना कल्याण तालुक्यातल्या द्वारली गावात घडलीये. धक्कदायक बाब म्हणजे बलात्कार करणारे दोन्ही आरोपी मुंबईच्या बेस्ट बसचे चालक असून उल्हासनगरच्या हिललाईन पोलिसांनी या दोघांनाही बेड्या ठोकल्या आहेत.

सुनील मोरे आणि अरविंद कुंभार अशी असून हे दोघंही पीडित महिलेच्या पतीचे मित्र आहेत. यापैकी सुनील मोरे याच्याकडे पीडित महिलेच्या पतीनं १० हजार रुपये उसने मागितले होते. हे पैसे घेण्यासाठी मोरे यानं मित्राच्या बायकोला बुधवारी त्याच्या द्वारली पाड्यातील घरी बोलावलं आणि तिथे तिच्यावर मोरेसह अरविंद कुंभारनेही बलात्कार केला. या सगळ्या प्रकाराचं त्यांनी मोबाईलमध्ये चित्रीकरणही केलं. यानंतर पीडितेनं शुक्रवारी अरविंद कुंभार याचा हा मोबाईल मिळवला आणि थेट पोलिसांत धाव घेतली. याप्रकरणी हिललाईन पोलिसांनी या दोन्ही नराधमांना बेड्या ठोकल्या असून त्यांना पोलीस कोठडी सुनावण्यात आलीये.