ठाकरे कुटुंबाचा टायगर तर आमचा पँथर – केंद्रियराज्यमंत्री रामदास आठवले

मुंबई रिपब्लिकन पक्षाचे राष्ट्रीय अध्यक्ष केंद्रियराज्यमंत्री ना रामदास आठवले यांचे नेतृत्व भारतीय दलित पँथर या आक्रमक संघटनेतून उदयास आल्याने पँथर संघटनेवर त्यांचे अतूट प्रेम राहिले आहे त्यामुळे आज वन्य जीव दिनानिमित्त पँथर अर्थात बिबट्या वाघाला दत्तक घेतले

एका पँथर ने पँथर ला दत्तक घेण्याचा सोहळा पहण्यासाठी संजय गांधी राष्ट्रीय उद्यानात प्राणी प्रेमी आणि पँथर प्रेमींनी मोठी गर्दी केली होती . ठाकरे कुटुंबाने सुद्धा यापूर्वीच टायगर दत्तक घेतला आहे त्याप्रमाणे आठवले कुटुंबाने पँथर दत्तक घेतला आहे

शिवसेनेचा टायगर आणि आरपीआय चा पँथर राजकीय जंगलात एकत्र आल्यावर संपूर्ण जंगलवर राज्यस्थापन करू शकतो याची प्रचिती शिवशक्ति भीमशक्ति च्या महायुतीतून मागे आम्ही दाखवून दिले आहे असे प्रतिपादन रिपाइं चे राष्ट्रीय अध्यक्ष केंद्रीय राज्यमंत्री ना. रामदास आठवले यांनी केले .

ना रामदास आठवले यांचे सुपुत्र कु जीत आठवले यांच्या पुढाकारातून हा बिबट्या अर्थात पँथर दत्तक घेण्यात आला . या पँथर चे नाव ” भीम ” असे ठेवण्यात आले आहे . या पँथर च्या वर्ष भराचा देखभाल खर्च 1लाख 20हजाराचा धनादेश दहिसर तालुका रिपाइं तर्फे देण्यात आला आहे .

तथागत बुद्धांनी मनवाने मानवावर प्रेम केले पाहिजे तसेच प्राणिमात्रांवरही प्रेम केले पाहिजे असा उपदेश केला आहे त्यानुसार बिबट्या अर्थात पँथर दत्तक घेण्यात येणार आहे हा पँथर शहापुर येथे एका नदित जख्मी अवस्थेत सापडला होता त्याची देखभाल आता संजय गांधी राष्ट्रीय उद्यानात होत आहे असे ना रामदास आठवले यावेळी म्हणाले .

पूर्वी शिवसेनेच्या टायगर चे आणि दलित पँथर चे जमत नव्हते मोठा संघर्ष होत होता आता मात्र संजय गांधी राष्ट्रीय उद्यानात ठाकरे कुटुंबाने घेतलेला टायगर आणि आम्ही घेतलेला पँथर एकत्र राहतील असेही ना आठवले म्हणाले . यावेळी सौ सीमाताई आठवले आणि कु जीत आठवले उपस्थित होते .

महामानव डॉ बाबासाहेब आंबेडकर आणि तथागत भगवान गौतम बुद्ध यांच्या संयुक्त जयंती निमित्त अन्य कार्यक्रम करणे टाळून दहिसर रिपाइं तालुका अध्यक्ष दिलीप वाव्हले यांनी वन्यजीव दिनानिमित्त हा उपक्रम राबविला .