HW News Marathi
क्राइम

विनायक मेटेंच्या अपघाती मृत्यू प्रकरणी वाहन चालकावर सदोष मनुष्यवधाचा गुन्हा!

बीड | शिवसंग्रामचे दिवंगत नेते विनायक मेटे (Vinayak Mete) यांच्या अपघाती मृत्यू प्रकरणी कार चालकाविरोधात गुन्हा दाखल करण्यात आला आहे. रायगड जिल्ह्यातील रसायनी पोलीस स्टेशनमध्ये चालक एकनाथ कदम याच्याविरोधात सदोष मनुष्यवधाचा गुन्हा नोंदवण्यात आला आहे. राज्य सीआयडीने कलम 304 अंतर्गत गुन्हा दाखल केला आहे. लवकरच कार चालक एकनाथ कदम याला ताब्यात घेतले जाणार आहे.

विनायक मेटे यांच्या गाडीला 14 ऑगस्ट 2022 रोजी पहाटे पाच वाजता मुंबई-पुणे एक्स्प्रेस हायवेवर भीषण अपघात झाला होता. नवी मुंबईतील एमजीएम रुग्णालयात दाखल केले होते. परंतु, तिथे विनायक मेटे यांना मृत घोषित करण्यात आले. त्यावेळी मुख्यमंत्री एकनाथ शिंदेंनी रुग्णालयात जाऊन परिस्थितीची माहिती घेतली होती. तेव्हा प्रसारमाध्यमांशी बोलताना त्यांनी मेटे यांच्या मृत्युची सखोल चौकशी करण्यात येईल, असे जाहीर केले होते. तसेच काही दिवसांनी राज्याचे पोलीस महासंचालक रजनीश सेठ यांना या मृत्यूची सीआयडी चौकशी करुन आपला निष्कर्ष सादर करण्याचे आदेश दिले होते.

सीआयडीच्या चौकशीत काय आढळले?

विनायक मेटे यांच्या अपघाती मृत्यू प्रकरणी सीआयडी या प्रकरणाची चौकशी करत होती. विनायक मेटे यांची कार ज्या ज्या मार्गावरुन गेली होती. तिथल्या सीसीटीव्ही कॅमेऱ्याचं फूटेज सीआयडी तपासत होती. याशिवाय आयआरबीचे इंजिनिअर्स आणि टेक्निकल अभियंते यांचे एक पथक तयार करुन त्यांचे मत जाणून घेण्यात आले होते. यामध्ये कोणाची चूक तुम्हाला दिसते?. सीआयडीने पाहिलेल्या फूटेजमध्ये हा चालक ताशी 120 ते 140 किमी वेगाने गाडी चालवत असल्याचे दिसत होते. ज्या ठिकाणी अपघात झाला. त्याच्या थोडा वेळ आधी चालक एकनाथ कदमने उजवा टर्न घेऊन ओव्हरटेक करण्याचा प्रयत्न केला होता. आपल्याला ओव्हरटेक करता येणार नाही हे माहित असूनही त्याने ओव्हरटेक केला आणि त्याचा परिणाम डाव्या बाजूला झाला आणि अपघात घडला. सीआयडीच्या तपासात या बाबी समोर आल्यानंतर त्यांनी रसायनी पोलिसांमध्ये विनायक मेटे यांच्या चालकाच्या विरोधात सदोष मनुष्यवधाचा गुन्हा दाखल केला.

विनायक मेटे यांच्या भाच्याकडून चालकावर संशय

दरम्यान विनायक मेटे यांचे भाचे बाळासाहेब चव्हाण यांनी मेटेंच्या वाहन चालकावर संशय घेत त्याची चौकशी करण्याची मागणी केली होती. विनायक मेटे यांचा चालक वेगवेगळा जबाब देतोय, असा आरोप मेटेंच्या भाच्याने केला आहे. मेटेंच्या चालकाने लोकेशन विचारले त्याने उत्तर दिले नाही, असा देखील आरोप केला होता. सीआयडीच्या चौकशीत विनायक मेटे यांचा कार चालक एकनाथ कदम याच्यावर ठपके ठेवण्यात आला. त्याच्यावर सदोष मनुष्यवधाचा गुन्हा दाखल केला. आता लवकरच त्याता ताब्यात घेतलं जाणार आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

अभिनेता करण ओबेरॉयला बलात्कार प्रकरणी अटक, ९ मेपर्यंत पोलीस कोठडी

News Desk

30 दिवसात ५ कोटीचा मुद्देमाल जप्त

News Desk

आदिवासी विकासमंत्र्यांच्याच तालुक्यात आदिवासी विद्यार्थ्याची आत्महत्या

News Desk