बागपत | भारतीय हवाई दलाच्या एका विमानाचा अपघात झाला आहे. भारतीय हवाई दलाचे मायक्रोलाईट एअरक्राफ्ट हे विमान आज (शुक्रवारी) उत्तर प्रदेशातील बागपत जिल्ह्यातील एका शेतजमिनीमध्ये कोसळले आहे. या विमानातील दोन्हीही वैमानिक सुदैवाने सुखरूपपणे बचावले आहेत. या अपघातात कोणत्याही प्रकारची जीवितहानी झालेली नाही, अशी माहिती मिळत आहे.

An IAF plane has been forced land in Baghpat. The Pilot is safe. More details awaited. pic.twitter.com/jAPjhcyCJr

— ANI UP/Uttarakhand (@ANINewsUP) October 5, 2018

गाजियाबाद येथील हिंडन हवाई तळावरून भारतीय हवाई दलाच्या मायक्रोलाईट एअरक्राफ्ट या विमानाने उड्डाण केले होते. या विमानाचा नियमित देखरेखीसाठी वापर केला जातो. या विमानात दोन २ वैमानिकांसह ३ लोक होते. मात्र, उत्तर प्रदेशातील बागपत जिल्ह्यात या विमानाचा अपघात झाला आहे.

हवाई दलाच्या या विमानाच्या दोन्ही वैमानिकांनी प्रसंगावधान राखत पॅराशूटचा वापर करत आपला जीव वाचविला आहे. ज्यावेळी हे विमान शेतजमिनीत कोसळले; त्यावेळी त्या ठिकाणी कोणीही नव्हते. त्यामुळे सुदैवाने कोणतीही जीवितहानी झालेली नाही. मात्र या अपघातात या विमानाचे मोठे नुकसान झाले आहे. तसेच या अपघाताच्या न्यायालयीन चौकशीचे आदेश देखील देण्यात आले आहेत.

संबंधित बातम्या

हवाई दलाचे मिग–२१ विमान हिमाचल प्रदेशमध्ये कोसळले