Connect with us

मनोरंजन

अभिनेता सैयद बदरुल हसन खान बहादुर यांचे निधन

News Desk

Published

on

मुंबई | हिंदी चित्रपटसृष्टीत पप्पू पॉलिस्टरच्या नावाने प्रसिद्ध असलेले विनोदवीर सैयद बदरुल हसन खान बहादूर यांचे आज (५ फेब्रुवारी) निधन झाले आहे. द स्वॉर्ड ऑफ टीपू सुलतान’ या मालिकेतील मैसूर महाराजाच्या भूमिकेमुळे ते प्रकाशझोतात आले होते. पप्पू पॉलिस्टर यांनी दरमियान: इन बिच (१९९७), इत्तेफाक (२००१) आणि धुंध: द फॉग (२००३) या प्रसिद्ध सिनेमांत काम केले होते.

गेल्या २५ वर्षांपासून मालिका, चित्रपट, रंगभूमी व जाहिरात या माध्यमांत त्यांनी काम केले होते. आपल्या अभिनय शैलीने त्यांनी स्वत:ची अशी एक वेगळी ओळख निर्माण केली होती. हिंदी व्यतिरिक्त उर्दू, पारसी, अरबी, पंजाबी, इंग्रजी, अवधी व भोजपूरी भाषा त्यांना अवगत होती. ते अभिनेत्या व्यतिरिक्त शास्त्रीय नर्तकही होते.

खान बहादूर यांना सर्वोत्कृष्ट शास्त्रीय नृत्यासाठी बिरजू महाराज यांच्याकडून पुरस्कारही मिळाला होता. पप्पू पॉलिस्टर यांनी जोधा अकबर, फिर भी दिल है हिंदुस्तानी, मान, खोया खोया चाँद, फरिश्ते, महाराजा, फूल और अंगार, तेरे मेरे सपने, बादल, अन्धा इंतेकाम, तुमसे अच्छा कौन, श्रीमती श्रीमती, आफ मुझे अच्‍छे लगने लगे आणि हीरो हिंदुस्तान यांसारख्या चित्रपटात काम केले होते.

Advertisement

देश / विदेश

#PulwamaAttack : ‘कपिल शर्मा शो’मधून सिद्धू उचलबांगडी

News Desk

Published

on

मुंबई | पुलवामामध्‍ये झालेल्‍या दहशतवादी हल्ल्यात सीआरपीएफचे ४० जवान शहीद झाले. या हल्ल्यानंतर देशभरात संतापाची लाट उसळली आहे. राजकारणापासून देशाच्‍या कानाकोपर्‍यापर्यंत या हल्ल्याची दु:खाची लाट पसरली आहे. नेते आणि माजी क्रिकेटर नवज्योत सिंग सिद्धू यांच्‍या वक्‍तव्‍यानंतर देशवासीयांकडून संताप व्‍यक्‍त होत आहे. यानंतर  सोशल मीडियावर लोक ‘द कपिल शर्माचा शो’ बंद करण्‍याची मागणी करत आहेत. इतकेच नाही तर युजर्सनी ट्विटरवर बायकॉट कपिल शर्मा आणि #boycottsidhuचा ट्रेंडदेखील सुरू केला आहे.

दरम्यान सिद्धूच्या जागी अर्चना पुरणसिंगची द कपिल शर्मा शोमध्ये एन्‍ट्री होणार असल्‍याची माहिती मिळाली आहे. पुलवामा हल्‍ल्‍यावर सिद्धू यांच्‍या वक्‍तव्‍यानंतर नेटिझन्सकडून कपिल शर्माचा शो बंद करण्‍याची मागणी होत आहे. त्याचबरोबर, शोमध्‍ये सिद्धू यांना हटवल्‍यानंतरच आम्‍ही कपिलचा शो पाहू, असे नेटिझन्सनी म्‍हणाले होते. प्रक्षेकांच्या या मागणीमुळे सिद्धूना शोमधून हटविण्यात आली.

सिद्ध नेमके काय म्हणाले

पुलवामामध्‍ये सीआरपीएफ जवानांवर दशहतवादी हल्‍ल्‍यानंतर ४० जवान शहीद झाले आहेत. या हल्‍ल्‍याची जबाबदारी दहशतवादी संघटना जैश-ए- मोहम्मदने स्वीकारली आहे. या हल्‍ल्‍याबाबत सिद्धू म्‍हणाले होते की, काही लोकांसाठी संपूर्ण देशाला जबाबदार कसे ठरवले जाऊ शकते? आपण कुणा व्‍यक्‍तीला जबाबदार ठरवू शकतो का? हा भ्‍याड हल्‍ला होता. मी याचा निषेध करतो. ही घटना निंदनीय आहे. आणि ज्‍यांनी हे केले आहे, त्‍यांना शिक्षा मिळायलाच हवी. पंजाब विधानसभाचे कामकाज स्थगित झाल्यानंतर सिद्धू यांनी प्रसारमाध्‍यमांशी बोलताना हे वक्‍तव्‍य केले होते.

Continue Reading

देश / विदेश

#PulwamaAttack : जावेद अख्तर-शबाना आझमी देशद्रोही, सिद्धूची गाढवावरुन धिंड काढावी !

News Desk

Published

on

मुंबई | जम्मू-काश्मिरमधील पुलवामा येथे  हल्ल्यात सीआरपीएफच्या ४० जवानांना वीरमरण आले आहे. पाकिस्तानातील ‘जैश-ए-मोहम्मद’ या दहशतवादी संघटनेने या हल्ल्याची जबाबदारी स्वीकारली आहे. देशभरातून या हल्ल्याचा निषेध केला जात आहे. या घटनेचे जगभरातून संतापाची लाट उसळली आहे.  अभिनेत्री कंगना राणावतनेही तिचा संताप व्यक्त करत शबाना आझमींवरही देशद्रोही असल्याचा आरोप केला आहे. तसेच नवज्योत सिंग सिद्धूवर देखील टीकास्त्र सोडले आहे.

ज्येष्ठ गीतकार जावेद अख्तर आणि अभिनेत्री शबाना आझमी हे देशद्रोही असल्याचे वादग्रस्त वक्तव्य कंगनाने केले आहे. पुलवामा हल्ल्यानंतर शबाना आझमी आणि जावेद अख्तर यांनी पाकिस्तानचा दौरा रद्द केला आहे. पुलवामा हल्ल्याबाबत बोलत असताना कंगना म्हणाली की,‘जावेद अख्तर आणि शबाना आझमी हे पाकिस्तानशी सांस्कृतिक कार्यक्रमांचे आदानप्रदान करतात. हे तेच लोक आहेत, जे ‘भारत तेरे तुकडे होंगे’ म्हणणाऱ्यांचे समर्थन करतात. ‘उरी’ हल्ल्यानंतर पाकिस्तानी कलाकारांवर बंदी घालण्यात आली आहे. तरीही, यांना पाकिस्तानमध्ये जाऊन कार्यक्रम करण्याची गरजच काय आहे? असा सवाल कंगनाने उपस्थित केला आहे.

परंतु ऐवढेच बोलून कंगना थांबली नाही. कंगनाने माजी क्रिकेटपटू  नवज्योत सिंग सिद्धू यांनी काल (१६ फेब्रुवारी) पाकिस्तानसोबत संबंध सुधारण्यासाठी हिंसा नव्हे तर संवाद हवा, असे म्हणाले होते. यावर कंगनाने नाव न घेता सिद्धूंवर निशाणा साधला. ती म्हणाली, जवानांवर हल्ला केला जात आहे आणि काही लोक अहिंसा आणि शांतीच्या गोष्टी करत आहेत. असे म्हणणाऱ्यांच्या तोंडाला काळे फासून त्यांची गाढवावरुन धिंड काढली पाहिजे, अशा शब्दात तिने सिद्धूंच्या वक्तव्याचा समाचार घेतला.

Continue Reading
February 2019
M T W T F S S
« Jan    
 123
45678910
11121314151617
18192021222324
25262728  

महत्वाच्या बातम्या