नवी दिल्ली | आपल्या दर्जेदार अभिनयासाठी प्रसिद्ध असलेला अभिनेता इरफान खान याने काम केलेल्या बांगलादेशी चित्रपटाची ऑस्‍कर पुरस्कारासाठी निवड करण्यात आली आहे. यावर्षी ‘दूब: नो बेड ऑफ रोजेज’ हा चित्रपट बांगलादेशकडून ऑस्‍कर पुरस्कारासाठी पाठवण्यात आला होता. ऑस्‍कर पुरस्कारासाठी ‘उत्कृष्ट परदेशी भाषा प्रकारासाठी ‘दूब: नो बेड ऑफ रोजेज’ या चित्रपटाची निवड झाली आहे. ‘दूब: नो बेड ऑफ रोजेज’ हा चित्रपट इम्रान खान यांच्या अत्यंत नैसर्गिक अशा अभिनयाने परिपूर्ण आहेच पण त्यासोबतच त्याने या चित्रपटाची निर्मितीदेखील केली आहे.
कोलकातामध्ये देखील काही ठिकाणी हा चित्रपट दाखविण्यात आला आहे. मुस्‍तफा सरवर फारूकी यांनी ‘दूब: नो बेड ऑफ रोजेज’ हा चित्रपट दिग्दर्शित केला आहे. हा चित्रपट बांगलादेशी लेखक आणि दिग्दर्शक हुमायूं अहमद यांच्या जीवनावर आधारित असल्याचे सांगण्यात येत आहे. मात्र, याबाबत अद्याप चित्रपटाच्या दिगदर्शकानी कोणताही खुलासा केलेला नाही.काही दिवसांपूर्वी या सिनेमावर बांगलादेशात बंदी घालण्यात आली होती. मात्र, काही दिवसानंतर हा सिनेमा प्रदर्शित करण्यात आला होता.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
