मुंबई | नालासोपारा स्फोटक प्रकरणातील आरोपी असलेल्या शरद कळसकरचा ताबा मागणारा सीबीआयचा अर्ज आज सेशन्स कोर्टाने फेटाळला आहे. त्यामुळे सीबीआयला सत्र न्यायालया कडून मिळालेला हा मोठा धक्का मानला जात आहे. सीबीआयचा अर्ज कायदेशीर दृष्ट्या अयोग्य असल्याचे मत यावेळी न्यायालयाने व्यक्त केले आहे. नरेंद्र दाभोळकर खूण प्रकरणात चौकशीसाठी कळसकरचा सीबीआयला ताबा हवा होता. त्यामुळे या प्रकरणाच्या सखोल चौकशीसाठी न्यायालयाकडे सीबीआयने शरद कळसकरचा ताबा मागितला होता.

सनातनच्या साधकांचा या प्रकरणात हात असल्याचे बोलले जात असल्यामुळे हे प्रकरण राज्यात अधिक गंभीर होताना पहायला मिळत आहे. तसेच या प्रकरणात नरेंद्र दाभोळकर, पत्रकार गौरी लंकेश, एम.एम. कलबुर्गी , गोविंद पानसरे यांसारख्या विचारवंतांच्या हत्येचे देखील दुवे सापडतील अशी आशा व्यक्त होत आहे. त्यामुळे नालासोपारा स्फोटक प्रकरणाच्या सखोल चौकशीसाठी सीबीआयने न्यायालयात शरद कळसकरचा ताबा मागितला असल्याची माहिती प्राप्त होत आहे.