मुंबई | अभिनेत्री तनुश्री दत्ता हिने #metoo अंतर्गत अभिनेते नाना पटेकरांवर काहीच दिवसांपूर्वी गैरवर्तनाचा आणि लैंगिक शोषणाचा आरोप केला आहे. त्यामुळे सध्या सर्वत्र #metoo ची चर्चा सुरू आहे. नाना पाटेकर यांनी हे सर्व आरोप फेटाळले आहेत. राखी सावंत हिने नाना पाटेकरांची बाजू घेत प्रसारमाध्यमांसमोर तनुश्रीला ड्रग ऍडिक्ट असल्याचा खालच्या पातळीचा आरोप केला होता. यामुळेच तनुश्रीने राखी सावंतवर १० लाख रुपयांचा मानहानीचा दावा केला आहे. ट्विंकल खन्ना, ऋचा चड्डा, स्वरा भास्कर ,फरहान अख्तर अशा सेलिब्रिटी मंडळींनी तनुश्री दत्ताची बाजू घेतली आहे.
मुलाखतीच्या दरम्यान राखी म्हणाली, “हॉर्न ओके प्लिज या सिनेमाच्या शूट दरम्यान तनुश्रीने अर्ध गाणे चित्रित केले आणि मध्येच सोडले होते. तनुश्रीने ड्रग घेतल्याने ती ते गाणे पूर्ण करू शकली नाही आणि त्यामुळे गणेश आचार्यांनी मला फोन करून बोलावले,” असे राखी सावंत म्हणाली. यावेळी राखी सावंत हिने तनुश्रीसाठी अपशब्द देखील वापरले आहेत. यामुळेच तनुश्रीने राखीवर १० लाख रुपयांचा मानहानीचा दावा केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
