नवी दिल्ली | ‘सध्या समाजात चोहोबाजूने विष पेरले गेले असून या परिस्थितीत लवकर सुधारणा होईल असे वाटत नाही. त्यामुळे मला माझ्या मुलांची चिंता सतावत आहे,’ अशी भीती प्रसिद्ध अभिनेते नसीरुद्दीन शहा यांनी व्यक्त केली आहे. नसीरुद्दीन शहा यांनी त्यांचा एक व्हिडिओ व्हायरल केला आहे. त्यात त्यांनी सध्याच्या सामाजिक परिस्थितीवर परखड असे भाष्य केले आहे.
३ डिसेंबरला बुलंदशहरात गोहत्येवरुन तणाव निर्माण झाला. ही परिस्थिती नियंत्रणात आणण्यासाठी गेलेल्या पोलिसांवर जमावाने हल्ला केला. यामध्ये पोलीस निरीक्षकासह एका तरुणाचा मृत्यू झाला. या घटनेबद्दल बोलताना नसीरुद्दीन शहांनी देशातील घडामोडींवरही भाष्य केले. ‘देशातील सध्याच्या परिस्थितीचा मला प्रचंड राग येतो. मला माझ्या मुलांची चिंता वाटते,’ असे शहांनी एका डिजिटल चैनलशी बोलताना म्हटले आहे.
‘उद्या माझ्या मुलांना जमावाने घेरले आणि त्यांना तू हिंदू की मुस्लीम असे विचारले तर त्यांच्याकडे त्याचे उत्तर नसेल, त्यामुळे मला माझ्या मुलांची चिंता वाटतेय. कारण मी माझ्या मुलांना कधीच धार्मिक शिक्षण दिले नाही. चांगले आणि वाईटाचा धर्माशी काहीच संबंध नसतो,’ असे शहा यांनी म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
