मुंबई | बॉलिवूडवर अधिराज्य करणारे सुपरस्टार राजेश खन्ना यांची आज ७६ वी जयंती आहे. त्यांनी जरी या जगाचा निरोप घेतला असला तरी त्यांच्या आठवणी मात्र कायमचसोबत राहणार आहेत. ट्‌विटवरही #RajeshKhanna हा हॅश टॅग ट्रेंड होत आहे. खन्ना यांचे ‘हाथी मेरे साथी’ ‘आराधना’, ‘इत्तेफाक’, ‘डोली’, ‘बंधन’, ‘दो रास्ते’, ‘द ट्रेन’, ‘सच्चा झूठा’, ‘सफर’, ‘कटी पतंग’, ‘आन मिलो सजना’, ‘आनंद’, ‘मर्यादा’,’अमर प्रेम’, ‘अंदाज’,’अपना देश’ आणि ‘दुश्‍मन’ हे चित्रपट खूपच लोकप्रिय झाले.
राजेश खन्ना यांचे मूळ नाव होते जतीन खन्ना. खन्ना यांचा जन्म २९ डिसेंबर १९४२ रोजी पंजाबमधील अमृतसर जिल्ह्यातील खन्ना गावात झाला होता. सिनेसृष्टीत पाऊल ठेवण्याआधी त्यांना राजेश खन्ना या नावाने लोक ओळखत. हेच नाव त्यांनी कायम ठेवले. १९६९ ते १९७२ या काळात त्यांनी लागोपाठ १५ सुपरहिट सिनेमे दिले. १९७३ मध्ये राजेश खन्ना यांनी आपल्यापेक्षा वयाने लहान असलेल्या डिंपल कपाडिया यांच्याशी विवाह केला. राजेश खन्ना यांचे निधन १८ जुलै २०१२ रोजी झाले. त्यांच्या पश्‍चात पत्नी डिंपल कपाडिया, दोन मुली ट्विंकल आणि रिंकी आणि नातवंड असा परिवार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
