मुंबई | ‘द ऍक्सिडेंटल प्राईम मिनिस्टर’ चित्रपटाचे दिग्दर्शक विजय रत्नाकर गुट्टे यांना अटक करण्यात आली आहे. गुट्टे यांच्यावर ३४ कोटींची फसवणूक केल्याप्रकरणी जीएसटीच्या इंटेलिजन्स विंगने त्यांना बेड्या ठोकल्या आहे. गुट्टे यांना जीएसटी कायद्याच्या कलम (१) (क) अंतर्गत अटक करण्यात आली आहे.
विजय गुट्टे हे वीआरजी डिजिटल कॉर्प प्रायव्हेट लिमिटेड कंपनीची मालकी असून या कंपनीने ३४ कोटी रुपयांचा घोटाळा केल्याचा आरोप आहे. गुट्टे तपास अधिकाऱ्यांना सहकार्य करत नसल्याचे सांगितले जात आहे. सध्या ते न्यायालयीन कोठडी असून १४ ऑगस्टपर्यंत ऑर्थर रोड जेलमध्ये करण्यात आली आहे.
गुट्टेच्या कंपनीने ऍनिमेशन आणि मनुष्यबळासाठी दुसऱ्या कंपनीकडून (हॉरिजॉन आऊटसोर्स सोल्युशन्स प्रायव्हेट लिमिटेड) ३४ कोटी रुपयांचे खोटे इनव्हॉईस घेतले. विशेष म्हणजे हॉरिजॉन आऊटसोर्स सोल्युशन्स प्रायव्हेट लिमिटेड कंपनीवर आधीच जीएसटीचा भरणा करताना 170 कोटी रुपयांचा घोटाळा केल्याचा आरोप आहे. इंडियन एक्स्प्रेसने दिलेल्या वृत्तानुसार या प्रकरणाची चौकशी करणाऱ्या अधिकाऱ्यांना गुट्टेकडून सहकार्य केले जात नाही.
विजय गुट्टे यांचा अल्प परिचय
विजय गुट्टे हे रत्नाकर गुट्टेचे पुत्र आहे. रत्नाकर यांच्यावर ५५०० कोटींच्या बँक घोटाळ्याचा आरोप आहे. रत्नाकर हे परभणीतील गंगाखेड मतदारसंघातून विधानसभा निवडणूक लढवली होती.
‘द ऍक्सिडेंटल प्राईम मिनिस्टर’
प्रसिद्ध अभिनेता अनुपम खेर यांची मुख्य भूमिका असेलला असेलला ‘द ऍक्सिडेंटल प्राईम मिनिस्टर’ हा चित्रपट 21 डिसेंबर रोजी प्रदर्शित होणार आहे. हा चित्रपट माजी पंतप्रधान मनमोहन सिंग यांच्यावर आधारित आहे. या चित्रपटात अनुपम खेर यांनी मनमोहन सिंग यांची भूमिका साकारली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
