मुंबई | आषाढी एकादशीनिमित्त आज (१२ जुलै) मुख्यमंत्री देवेंद्र फडणवीस यांनी सपत्नीक पंढरपूरच्या श्रीविठ्ठल-रखुमाईची शासकीय महापूजा केली आहे. “महाराष्ट्र सुजलाम सुफलाम होऊ दे”, असे मागणे मुख्यमंत्र्यांनी मागितले आहे. लाखो किलोमीटरचा प्रवास करून आलेले लाखो वैष्णव गुरुवारी (११ जुलै) पंढरपुरात दाखल झाले. आपल्या लाडक्या पांडुरंगाच्या दर्शनासाठी आतुर असलेले हे वारकरी आज आपल्या विठुरायाचे दर्शन घेतील. यंदाच्या वर्षी आपल्या विठुरायाच्या दर्शनासाठी महाराष्ट्रासह अन्य राज्यांमधून साधारणतः १५ लाख वारकरी पंढरीनगरीत दाखल झाले आहेत.
Maharashtra Chief Minister Devendra Fadnavis offers prayers at Vitthal temple in Pandharpur, on the occasion of ‘Ashadhi Ekadashi’. pic.twitter.com/PVzDGT60U6
— ANI (@ANI) July 11, 2019
राज्याच्या वर्षानुवर्षाच्या परंपरेप्रमाणे मुख्यमंत्री देवेंद्र फडणवीस आणि पत्नी अमृता फडणवीस यांच्या हस्ते विठ्ठल-रखुमाईची शासकीय महापूजा पार पडली. गेली २० वर्षे वारी करणारे लातूरमधील अहमदपूरचे भाविक विठ्ठल चव्हाण आणि आणि त्यांच्या पत्नी प्रयागाबाई चव्हाण यांना वारकऱ्यांचा प्रतिनिधी म्हणून या पूजेला बसण्याचा मान मिळाला. महापूजेनंतर मुख्यमंत्री देवेंद्र फडणवीस यांच्या हस्ते त्यांचा सत्कार देखील करण्यात आला. त्यानंतर विठ्ठल मंदिर समितीच्याकडून मुख्यमंत्र्यांसह तेथे उपस्थित मंत्र्यांचा, पदाधिकाऱ्यांचा सत्कार करण्यात आला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
