मुंबई | “राज्य विधिमंडळाच्या पावसाळी अधिवेशनाच्या पहिल्याच दिवशी सभागृहाचे कामकाज प्रसारित करता येत नसेल तर डिजिटल महाराष्ट्राचे स्वप्न सुद्धा भाजपचे गाजरच आहे”, अशा शब्दात राष्ट्रवादी काँग्रेसचे विधीमंडळ पक्षनेते अजित पवार यांनी सरकारच्या कारभारावर जोरदार टीका केली आहे. दरम्यान, पावसाळी अधिवेशनाच्या पहिल्याच दिवशी विरोधकांनी अत्यंत आक्रमक भूमिका घेतल्याचे चित्र दिसले. त्यामुळे, याचे पडसाद निश्चितच अधिवेशनातही उमटण्याची शक्यता आहे.
विधीमंडळाच्या वेबसाईटवरील थेट प्रक्षेपण बंद असल्यानं पावसाळी अधिवेशन अजूनही जनतेला पाहता आलेलं नाही. सभागृहाचं कामकाज प्रसारित करता येत नसेल तर Digital Maharashtra चं स्वप्न सुद्धा भाजपचं गाजरच आहे, हे कळतं. Digital Maharashtra केवळ जाहिरातीपुरताच आहे, असा संदेश सरकार देत आहे का?
— Ajit Pawar (@AjitPawarSpeaks) June 17, 2019
पावसाळी अधिवेशनाला सोमवारपासून (१७ जून) सुरुवात झाली असून सरकारच्या वेबसाईटवरुन विधीमंडळांचे कामकाज प्रसारीत होत नाही. त्यावर अजित पवार यांनी नाराजी व्यक्त केली आहे. “विधीमंडळाच्या वेबसाईटवरील थेट प्रक्षेपण बंद असल्याने जनतेला अजूनही पावसाळी अधिवेशन पाहता येत नाही. डिजिटल महाराष्ट्र केवळ जाहिरातीपुरताच आहे असा संदेश सरकार देत आहे का ?” असा टोला अजित पवार यांनी सरकारला लगावला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
