पालघर। महाराष्ट्राचे उपमुख्यमंत्री अजित पवार हे त्यांच्या बिनधास्त वक्तव्यसाठी ओळखले जातात. एखादी वास्तू, प्रकल्प, योजना या लोकांच्या श्रमाच्या, घामाच्या पैशांतून उभ्या राहत असतात. आपल्याला मिळतो तो पगारही जनतेच्या पैशांतून दिला जात असल्याची जाणीव आमच्यासह सर्वांनी ठेवून जनतेच्या कामाला प्राधान्य द्यावे, असे परखड मत उपमुख्यमंत्री अजित पवार यांनी पालघर मुख्यालयाच्या इमारतीच्या लोकार्पण कार्यक्रमात व्यक्त केले आहे.
विकासाच्या धर्तीवर बळ देण्याचे काम महाविकास आघाडी करेल
पालघर हा नवनिर्मित तरुण जिल्हा असून, या जिल्ह्याला विकासाच्या धर्तीवर बळ देण्याचे काम महाविकास आघाडी करेल. देशात पालघर जिल्हा सर्वोत्तम जिल्हा असल्याचे आपल्या कामातून दाखवून देऊ या, असे सांगून आपला पालघर जिल्हा विविधतेने नटलेला संपन्न जिल्हा असल्याने आपण एक वेगळी ओळख निर्माण करू शकतो, असा विश्वास मुख्यमंत्री उद्धव ठाकरे यांनी व्यक्त केला आहे.
पालघर जिल्हा मुख्यालयाचा लोकार्पण सोहळा – LIVE https://t.co/SFv1XrnbgH
— CMO Maharashtra (@CMOMaharashtra) August 19, 2021
सिडकोने मुख्यालयाच्या इमारतीची रचना केली आहे
संपूर्ण देशात एक रोल मॉडेल ठरेल अशा, १०३ हेक्टर क्षेत्रफळाच्या जागेवर, जव्हारच्या मुकणे महाराज संस्थानच्या जयविलास पॅलेसच्या धर्तीवर सिडकोने मुख्यालयाच्या इमारतीची रचना केली आहे. – ही वास्तू उभारण्यात आपण यशस्वी झालो असलो तरी या निर्जीव वास्तूला आपल्या कार्यातून जिवंतपणा आणण्याचे काम आपल्याला करावे लागेल, असे मुख्यमंत्री उद्धव ठाकरे यांनी सांगितले. – पालघर जिल्हा मुख्यालय हे देशात रोल मॉडेल ठरेल, असे नगरविकासमंत्री एकनाथ शिंदे म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
