शहरासह ग्रामीण भागात गौरीचं जल्लोषात आगमन

फुलचंद भगत,

मंगरूळपीर शहरतसचे ग्रामीण भागात गौरींचे आज मोठ्या थाटात स्वागत करण्यात आले. भाद्रपद महिन्याच्या अनुराधा नक्षत्रावर गौरीचं आगमन होते. कोकणातील अनेक गावागावात आजही पारंपारिक पद्धतीने गौरीचे स्वागत केले जाते. दरवर्षी गौरींना नव्या वस्त्रालंकारानी सजवले जाते. अनेक घरांमध्ये गौरींनी पारंपरिक दागिन्यांनी सजावले जाते. वस्त्रालंकारानी-आभूषणांनी सजवलेल्या या गौरीला आज गोड नैवेद्यही दाखवला जातो. घराच्या ओटी-पडवीत गौरीची ही मूर्ती सजली की दरातील माप ओलांडत तिला गणपतीच्या मखरात नेऊन पुजले जाते. गौरीच्या आगमनानंतर घरात झिम्मा-फुगडी, बस-फुगडी असे महिलांचे खेळ रात्रीपर्यंत सुरू राहतात. घरी आलेल्या माहेरवाशिणी सोबत रात्र जागवली जाते. संपूर्ण जिल्ह्यात गणराया पाठोपाठ आज झालेल्या गौरीच्या आगमनाने गणेशोत्सवाचा आनंद द्विगुणीत झाला आहे.